Maafîu 2:1 - Yálá laawoo hɛɓɛ (dc)

¹ Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Yálá laawoo hɛɓɛ

¹ Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Bible

¹ Tãi nâa dí Zîsɛ maa sɔlɔ ƃô la Bɛpeleɣɛ̃ɛ, Zuda-lɔii su gâloŋ Ɛɛlɔ ŋɔtãi mai, táre-ƃela dí kùla vóloi-ƃelai-pere dí pá Zerusâlɛŋ, dîyɛɛi,

Maafîu 2:1 Iomraidhean Croise

Zɛnɛse 10:30

Nɔi di kɛ heeni ɉu, ə kɛ voló həɠəi pələ, ɓɛi yeeɠaa tamąą kɛ laa Mesa lɔi da Sefarə lɔi di lɔwai.

Zɛnɛse 25:6

Ɓɛlɔwai ə kɛ la a vulú, nɛ̨ąąɠaai ə ɉəɠə Sara haa pulu, ə mɛ̨inɛ̨ɛ̨ kɛ gəlee lonnii diɛ, ə di mąą kwɛa Isaakə ɓa, di li di hee Kɛdɛmə lɔi hu pələ.

Zɛnɛse 41:8

Yələ ɓɔɔ kɛa, ɉįi tii tɔɔmun ə gaa, ə́ liihɛlɛn doo mą, ə nɛɛ mą ə nwɔ pənən gɛ nuą da nwɔ kilimąą nuąi təli, ɉįi tii ə gaa ə ɉukulɔ diɛ. Kɛlaa, dɔ̨nɔ̨ kpɛli hvo pɛli mukulaa lɛi tɔɔmun ma.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Kɔlɔnikɔ Maa-ŋuŋ 2:51

Salma, Bɛtleɛmə nąn. Harɛfə, Bɛtə-Gaderə nąn.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Maafîu 1:25

Kɛlaa, da Mari di hvo haɠa kpɔn, ə lɛɛ ɉu, yili ə non tɔlɔɔ hɔlɔɓo. Ɉosɛfə ə naa hee a Jesus.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 2:3

Ɓɛlɔwai tɔɔmun Herodə ə nwoo tii mɛ̨n na, ɉu ə pu mą kpɔ kɛnɛ̨, ə mą kɛ Ɉerusalɛmə nuą kəlee.

Maafîu 2:5

Di nwoo pulu pənə diɛ mą: «Gaa pai hɔlɔɓoi Bɛtleɛmə daai Ɉude lɔi hu. Mąąhɔlɔɓo pələ ɓə Yálá kwəi mɛ̨nį hukulɔ mun ə bɛ̨ɛ̨ la, yɛ mą:

Maafîu 2:7

Herodə ə mageɠaa tii təli loo pələi, ə di mąąni kɛ, yɛ diɛ: «Mįnɛ̨ lɔwai ɓə ka bɛmɛ̨lɛ̨n-gɔwi tii kaa la?»

Lukə 1:5

Ɓɛlɔwai Herodə ə kɛ la a tɔɔmun Ɉude lɔi nwun na, ɉala laa həli mun da ə kɛ laa, diɛ kɛ nąą ɓa Zakari. Ɉaláá laa həli nu kpului ŋɛ̨i di kɛi kɛ nąą ɓa: Abia yee mu, Zakari ə kɛ a ɉu mun da, nɛ̨ą laa ɓa kɛ a Elisabɛtə. Elisabɛtə tii ə kɛ a ɉala laa həli nuą nwun nąmu kɛnɛ̨ Aarɔn huwuhu mun da lon nɛ̨ɛ̨nu.

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Lukə 2:15

Yii kɛa malakaɠaa tii di pənə di tɛ yələi, mɛlaa pulu nuą diɛ di kee ɓa: «Ka gu tɛ taai, mɛ̨nįi ŋɛ̨i Ną́mu ə nɛ guɔ gu gaa.»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Nwun mąąɓo 17:7

Levi mun da, ə kɛ Bɛtleɛmə daai, Ɉuda nwɔ lɔi hu, ə kɛ laa a nwɛ̨ą.