Maafîu 19:19 - Yálá laawoo hɛɓɛ (dc)

¹⁹ Ə́ nąn da ə́ lee di mąąwiɛ. Ə́ heeyɔwɔ wɛli la kɛ yɛ ə́ kpinį.»

Yálá laawoo hɛɓɛ

¹⁹ Ə́ nąn da ə́ lee di mąąwiɛ. Ə́ heeyɔwɔ wɛli la kɛ yɛ ə́ kpinį.»

Bible

¹⁹ Ƃâa kɛ́ ínâŋ ma da ílee. Í íƃarâŋ-nuui wɛli yɛ̂ɛ ya kpîŋ.”

Maafîu 19:19 Iomraidhean Croise

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Maafîu 19:20

Ɉulɔnon tii yɛ Jesus ɓa: «Ŋą́ą́ yiliɠaa kəlee hɔn, lə ɓə nwɔ̨nɔ̨ mąąnɛ̨ɛ̨ ŋą́ gɛ?»

Maafîu 22:39

Yii nwɔ̨nɔ̨ nɛɠɛɛ gwɛlɛ, ya ɓaa: ‹Ə́ nuą wɛli la kɛ, yɛ ə́ kpinįi.›

Maafîu 5:43

«Ka mɛ̨n di mo ka kąlą pɔlɔni diɛ: ‹Ə́ ɓɛlan gaa lon nwɛli la kɛ, ə́ ə́ yowo wɛli kpɛɛ yɛ́.›

Lukə 10:27

Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Galatə 5:14

Gbala ə tɔɔ, dɔ́n nwoo laa kulaa kaa lɔ a woo tɔ̨nɔ̨ gbən; ya ɓaa: Ə́ ə́ ɓɛlan gaalon nwɛlilakɛ yɛ ə́ kpinį.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»