Maafîu 18:12 - Yálá laawoo hɛɓɛ (dc)

¹² «Gáá ka mąąni kɛi, akɛ ɓɛlaa nwun dɔ̨nɔ̨ a kɛ ka ta yəi, dɔ̨nɔ̨ a pili ɉu, hva mɔ̨ɔ̨ bow-mɛ̨inąąn-kɔw mɛ̨inąąn tii lɛɛ laa yɛ li dɔ̨nɔ̨i tii kwɛlii?

Yálá laawoo hɛɓɛ

¹² «Gáá ka mąąni kɛi, akɛ ɓɛlaa nwun dɔ̨nɔ̨ a kɛ ka ta yəi, dɔ̨nɔ̨ a pili ɉu, hva mɔ̨ɔ̨ bow-mɛ̨inąąn-kɔw mɛ̨inąąn tii lɛɛ laa yɛ li dɔ̨nɔ̨i tii kwɛlii?

Bible

¹² “Kákili-ŋa-siai káa léŋ? À kɛ̀ ƃála ŋuŋ tɔ̂nɔ (100) à kɛ̀ núu yêei, dɔnɔ é láŋ, ve pâi m̀ála buu lɔ́ɔlu mɛi náaŋ kao lɔ́ɔlu mɛi náaŋ lɛɛ̂i ǹyée-ŋai ma é lí é dɔnɔi tí kɔ̂ri nyii làŋ?

Maafîu 18:12 Iomraidhean Croise

Tɔɔɓɛlaa dɔlɔɔ 21:17

Nąąlɔwai Yai-Laa ə mo Tisbe mun Eli ɓa, yɛ mą:

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Izikiɛ 34:28

Lɔiɠaa di hva kɛa too di mɛ̨i, lɔwɔ huwɔɠaa di hva kɛa di mįi; di kaa pai kɛi liilaa hu, nu ta hva kɛa di mąą kpɛlin.

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Maafîu 12:11

Kɛlaa, ə di woo ŋąąpənə, yɛ diɛ: «Ka ta nɛlɛ ɓə, ɓɛlaa tɔ̨nɔ̨ a kɛ ɲəi, mɛlaa tii a too lɔwai a vįitɔɔ yələ, hva li hvo gulɔ nɔwai a mąą hvólói tii?

Maafîu 18:13

A gaa, gwəi a nɛɛ dɔ̨nɔ̨i tii mąą mɛ̨nį hu ə tɛɛ bow-mɛ̨inąąn-kɔw mɛ̨inąąn tii mąą mɛ̨nį ɓa.

Maafîu 21:28

Jesus ə kɛ nuą tii diɛ: «Gáá hanwon ɉɔi kaa. Hulɔnu ta ə kɛ laa, lon ɉinąą hveelɛ yɛ ɓo mą. Yɛ dɔ̨nɔ̨ ɓa: ‹Nón, li ə koló kɛ ɲəi ɉihɛn ɲɛa.›

Maafîu 22:42

«Ka kɛ ka kiliɉaniɛ ləi Nwun mąąɓomun Yálá ə naakwɛlanmo mąą mɛ̨nį ɓa? Ka gaa, gaa a gbɛɛ huwu hu mun da?» Di nwoo ŋąąpənə diɛ mą: «Davidə lon ɉulɔnu li!»

Korɛntə dɔlɔɔ 10:15

Kaa kɛɛ mɔ̨ɔ̨ a mɛ̨nį ŋąą kaa nuą, ya ɓə gɛi gɛ́ mɛ̨nįɠaai tii ɓo la kaa. Kaa kpįnįi, ka ɉu kwɛli.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.