Maafîu 17:3 - Yálá laawoo hɛɓɛ (dc)

³ Di Moisə da Eli di kaa Jesus kwɛlɛ da diɛni diɛ mɛ̨nį ta ɓo.

Yálá laawoo hɛɓɛ

³ Di Moisə da Eli di kaa Jesus kwɛlɛ da diɛni diɛ mɛ̨nį ta ɓo.

Bible

³ Nya ƃe Mose da Ilaza dí kùla díŋɛi, da Zîsɛ-ni díkɛ lono.

Maafîu 17:3 Iomraidhean Croise

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Maafîu 17:4

Ŋąąɓa Piɛrə ə nɛɛmą yɛ Jesus ɓa: «Ną́mu, akɛ ya hvaa mą, gu kɛ lɔ kɛa ɓɛi, ŋą kpuwulu haaɓa tɔɔ ɓɛ, dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔɔ, dɔ̨nɔ̨ ə kɛ a Eli nwɔɔ.»

Markə 9:4

Yili pulu galan nɛa haaɓai tii di Eli da Moisə di kaa, da Jesus ni diɛ lono kɛ.

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Lukə 16:16

«Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Lukə 9:33

Ɓɛlɔwai nu hveelɛi tii di kɛi həɠə la Jesus kwɛlɛ, Piɛrə ə mo Jesus ɓa, yɛ mą: «Kalamɔ̨ɔ̨, a kɛ gwa lɛɛ ɓɛ, yili ŋąą nɛɛi kpɔ kɛnɛ̨. A kɛ tii, kwa həɠə pɛlɛ haaɓa tɔɔ; dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔ, dɔ̨nɔ̨ ə kɛ a Eli nwɔ.» (Nwoo tii Piɛrə ə kɛi mo, hvo kɛi ŋąą kaa gbɔwɔ yəi.)

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Dutɛrɔnome 34:10

Gulaa Moisə pulu, Yálá kwəi mɛ̨nį ɓomun da hvo kɛa hɔlɔɓo Israɛlə lɔi hu, yii da Yai-Laa di kɛi mɛ̨nį ɓo di kee ɓa laaləi da laaləi.