Maafîu 17:23 - Yálá laawoo hɛɓɛ (dc)

²³ Di kaa pai baai, kɛlaa, voló haaɓa yələ, gaa pai nwun ɉii ə kulɔ haaɓɛlaa lɔwai. Nwoo tii ə nwɔ kalan nɛai kwəi pili ə di liihɛlɛn.

Yálá laawoo hɛɓɛ

²³ Di kaa pai baai, kɛlaa, voló haaɓa yələ, gaa pai nwun ɉii ə kulɔ haaɓɛlaa lɔwai. Nwoo tii ə nwɔ kalan nɛai kwəi pili ə di liihɛlɛn.

Bible

²³ Da pâi baâi, é m̀u siɣe saa yêei a ŋele-kuui zaaƃa-ɣelei.” Dílii è sòli kpɔ́ a ŋánaa.

Maafîu 17:23 Iomraidhean Croise

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Azaya 53:7

Di naanɔ̨nwɔ̨ ɓo, kɛlaa ə gbɔwɔ mąąyɛɛ, pələ ta hvo kulɔ na, ə kɛ yɛ ɓɛlaa lon di kaa lii baai, yɛ ɓɛlaa haai gaa nəɠa tee nuą yəi, naa pilaa lɔ kɛ, hvaa hvo kulɔ na.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 17:9

Di kɛɛ kɛa ɲee yɛɛi, Jesus ə mo diɛ yɛ diɛ: «Gɛɛ ŋɛ̨i ka gaa, ka hvo bələ ɓo nui lɔpee ta ɓa ə lɛɛ la ɉu Nu Lon ə nwun ə kulɔ haa ɓɛlaa lɔwai.»

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 27:63

«Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Markə 9:30

Jesus da nwɔ kalan nɛa di həɠə laa, də li tɛɛ Galile lɔi, Jesus hvo kɛ bɔ, ɓɛi gaa laa, nuą di hvo nąą kɔ́lɔn.

Ɉaan 16:6

Nwoo ŋɛ̨i ŋį́ mo kaa, aa ka liihɛlɛn.

Ɉaan 2:19

Jesus ə di woo pulu pənə yɛ diɛ: «Ka Yálá hee pɛlɛ́i ŋɛ̨i pu, hvóló hveelɛ Ɉaaɓa yələ, ŋą pɛli ŋį́ ɉaŋą ŋį́ dɔɔ.»