Maafîu 17:22 - Yálá laawoo hɛɓɛ (dc)

²² Ɓɛlɔwai Jesus da nwɔ kalan nɛai kəlee di kɛ la Galile lɔi hu, ə mo diɛ yɛ diɛ: Di kaa pai Nu Lon laakwɛlanmoi nuą diɛ.

Yálá laawoo hɛɓɛ

²² Ɓɛlɔwai Jesus da nwɔ kalan nɛai kəlee di kɛ la Galile lɔi hu, ə mo diɛ yɛ diɛ: Di kaa pai Nu Lon laakwɛlanmoi nuą diɛ.

Bible

²² Dí kɛ́ɛ siâi gîe ma Galalii-kpiniŋ sui, Zîsɛ è mò dîa, ǹyɛɛi, “Da pâi núu-kpune Ǹóŋ tɛɛ̂i nûa pɔ.

Maafîu 17:22 Iomraidhean Croise

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 17:12

Kɛlaa, gáá moi kaa, Eli aa gbɛa kɛ pa. Nuą di hvo gɔlɔn ni, kɛlaa, di ɉɔn a ɲɔ̨nwɔ̨ɔ̨ yɛ pələi di kɛ la bɔ. Pələ lɔ ɓə di kaa pai Nu Lon hon Ɉii la, di naanɔ̨nwɔ̨ ɓo a di liiɓa pələ.»

Maafîu 17:23

Di kaa pai baai, kɛlaa, voló haaɓa yələ, gaa pai nwun ɉii ə kulɔ haaɓɛlaa lɔwai. Nwoo tii ə nwɔ kalan nɛai kwəi pili ə di liihɛlɛn.

Maafîu 17:9

Di kɛɛ kɛa ɲee yɛɛi, Jesus ə mo diɛ yɛ diɛ: «Gɛɛ ŋɛ̨i ka gaa, ka hvo bələ ɓo nui lɔpee ta ɓa ə lɛɛ la ɉu Nu Lon ə nwun ə kulɔ haa ɓɛlaa lɔwai.»

Maafîu 24:10

Nąąlɔwai, nu tamąą kaa pai lənəi mą́ą́, diɛ di kee ni wɛli kpɛɛ diɛ.

Maafîu 26:16

Ə həɠə kɛa nąąlɔwai ɓa yɛ li la tɔwɔ pələ, Ɉudasə ə kɛi Jesus hon bələ mąą kpaɠala kwɛli mą.

Maafîu 26:46

'Ka ka muhəɠə ka gwə li, nui nɔ́wɔ tɔɔ aa lɛɠɛ ɓɛ.»

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Lukə 24:26

Hvo kɛli kɛ Nwun mąąɓomun Yálá ə naakwɛlanmo, ə mɔ̨nɔ̨ mį́į́ tii, hvo tɛɠa kɛ lɔi nwɔ mąąwiɛ kɛnɛ̨ɛ hu.»

Lukə 24:46

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai.

Lukə 9:22

Ə mo nwɔ̨nɔ̨ diɛ yɛ diɛ: «Hvo kɛli, Nu Lon ə pa mɔ̨nɔ̨ mį́į́ kpɔ kɛnɛ̨, nu pɔlɔɠaa, ɉala laa həli nuą kpɛa-kpɛaɠaa da tɔ́n galamɔ̨ɔ̨ɠaa di kaa pai lənəi ma, nuą di baa. Voló haaɓa yələ, a muhəɠə ə kulɔ haa ɓɛlaa lɔwai.»

Lukə 9:43

Nuą tii kəlee kwəi ə pili diɛ, Yálá nwɔ mąąwiɛ kɛnɛ̨i tii di gaa mąą mɛ̨nį ɓa. Mɛ̨nį tii Jesus əgɛ, gwəi pili mąą ə lɛɛ lɔ nuą tii diɛ, yɛ nwɔ kalan nɛai diɛ:

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,