Maafîu 15:1 - Yálá laawoo hɛɓɛ (dc)

¹ Farisiɛ̨ɠaa da tɔ́n galamɔ̨ɔ̨ɠaa di həɠə Ɉerusalɛmə di pa di Jesus kaa, di mąąni kɛ diɛ mą:

Yálá laawoo hɛɓɛ

¹ Farisiɛ̨ɠaa da tɔ́n galamɔ̨ɔ̨ɠaa di həɠə Ɉerusalɛmə di pa di Jesus kaa, di mąąni kɛ diɛ mą:

Bible

¹ Faresii-ŋai da gɔlɔ-pɔ̃yɛ-ƃelai da-ni dí kùla Zerusâlɛŋ dí pá Zîsɛ pɔ, dîyɛɛ mai,

Maafîu 15:1 Iomraidhean Croise

Maafîu 23:2

«Tɔ́n galamɔ̨ɔ̨ɠaa da Farisiɛ̨ɠaa ɓə da Moisə nwɔ tɔ́n hukulɔ kaa.

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.

Markə 3:22

Dɔ́n galamɔ̨ɔ̨ɠaa ŋɛ̨i hɛɠɛ Ɉerusalɛmə daai, di pa, di mo diɛ diɛ: «Beɛlzebulə ɓə bulu!» Ɛlɛɛ: «Ɲįnɛ̨nŋąą nwun nąmu ɓə ɉuwalawala ŋɛ̨i tɛɛi bɔ yɛ ɲinɛ̨nŋąą kpɛ la nuą pulu.»

Lukə 5:17

Yələ ta, Jesus ə kɛi nuą kalan, Farisiɛ̨ɠaa da tɔ́n galamɔ̨ɔ̨ɠaa di həɠə Ɉude lɔi taa taɠaa hu, da Galile lɔi taa taɠaa, ə mą kɛ Ɉerusalɛmə; di pa di hee Jesus kwɛlɛ, Ną́mu Yálá nwɔ huwalawala ə kɛ Jesus mɛ̨i, yɛ ɲɔ̨n gɛ nuą kɔ́lɔi pono.

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Gɛlaɠaa 23:9

Nąą woo ɲąą ə nwąną kpɔ kɛnɛ̨ dɔ́n galamɔ̨ɔ̨ taɠaa, da Farisiɛ̨ɠaa di tɔɔ, di həɠə di tɔɔ, di lənə di ɓɛlaa woo ɓa a di nwąnąi, diɛ mą: «Ku hvo mɛ̨nį ɲɔ̨n nɔpee ta kɛi ɉulɔnui ŋɛ̨i ɓa, gbəli hu kiɛ, malaka ta, awala kɛ ti, ɲinɛ̨n da ka ti mɛ̨nį ɓoi mą.»

Gɛlaɠaa 25:7

Ɓɛlɔwai ŋɛ̨i di paa la a Polə, Ɉuifəɠaa ti həɠə Ɉerusalɛmə diɛ pa, di Polə mąą tinɛ̨n, di mɛ̨nį tamąą ɓo a naa, yii kɛ diɛ kpinįi di hva pɛli dɛ̨ą ɓoi.