Maafîu 14:36 - Yálá laawoo hɛɓɛ (dc)

³⁶ Di kɛi nɛ̨ɛ̨mąą hvə Jesus ɓa diɛ kɛ mą: Nɛɛ kpɛli ku ku yee hee ə́ wɔ həɠəi won ma; yaan, nuą kpɔ di yee hee nwɔ həɠə won ɓa, di kɔ́lɔi ə pono.

Yálá laawoo hɛɓɛ

³⁶ Di kɛi nɛ̨ɛ̨mąą hvə Jesus ɓa diɛ kɛ mą: Nɛɛ kpɛli ku ku yee hee ə́ wɔ həɠəi won ma; yaan, nuą kpɔ di yee hee nwɔ həɠə won ɓa, di kɔ́lɔi ə pono.

Bible

³⁶ Dí gbera fê a gɛɛ dí ŋɔyokpoi wóŋ sóŋ nɔ́. Ǹyaŋ diai kélee ŋɔyokpoi wóŋ sòŋ, dí ƃàlo.

Maafîu 14:36 Iomraidhean Croise

Maafîu 14:35

Nɔi tii hu nuą di Jesus kaa lɔ di gɔlɔn; di nɛ̨ɛ̨mą di wəlɛɛ tɔɔ di kwɛlɛ lɔi nąą kəlee. Nu tamąą di pa a ɲɔ̨n gɛ nuą, ə gɛ, Jesus ə di kɔ́lɔi pono.

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Markə 3:10

Mąąhɔlɔɓo, aa kɛ nu tamąą kɔ́lɔi pono, nuą kpɔ ɲɔ̨n ə kɛ diɛ, di kɛ bɔ di di yee pɛlɛ mą, diɛ di kee ni pili.

Markə 6:56

Ɓɛi lɔpee ə kɛi li laa, ə kɛ a taa kɛnɛ̨, ə kɛ a taa logolo nuą di kɛi pa a ɲɔ̨n gɛ nuą diɛ, di laa gwəli hąąiŋąą ɓa, diɛ nɛ̨ɛ̨mąą hvə Jesus ɓa, ə gɛ, di di yee hee lɔ nwɔ həɠə won ɓa. Yaan, nuą lɔpee kɛi di yee hee mą di kɔ́lɔi ə kɛi pono.

Markə 8:22

Jesus da nwɔ kalan nɛai di həliɛ Bɛtsaida daai, di pa a ɲɛ̨ipumun da Jesus pɔ. Di nɛ̨ɛ̨mąą hvə mą, ə gɛ, ə ɲee tunwɔ̨n mą.

Lukə 6:19

Nu kəlee di kɛ bɔ di di yee pɛlɛ Jesus ɓa, mąąhɔlɔɓo, huwalawala ta ə kɛi kulɔ ɉu yɛ di kɔ́lɔi pono.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 7:23

Yii da nu hee kɛ́nɛ̨ ɓa a hvįįtɔɔ yələ, hva Moisə nwɔ tɔ́n həɠə mą, lə mɛ̨nį ɓa ŋą́ą́ nu ɓalo a hvįįtɔɔ yələ ka kpuluun a ɲą́ą́?

Gɛlaɠaa 3:16

Ku kilitɔɔ mɛ̨nį Jesus laa ɓa ɓə gɛ, Naa ti yɛ ɉulɔnui ŋɛ̨i ɓalo, yaai ka káá gaai, kaa ɓo a gɔlɔnŋąą. Nu kilitɔɔ mɛ̨nį Jesus laa ɓa ɓə gɛ ɉulɔnui ŋɛ̨i kɔ́lɔi yɛ pono kpɔ la tɛ̨ɛ̨tɛ̨ɛ̨, yɛ bələi ka káá gaai la.