Maafîu 13:11 - Yálá laawoo hɛɓɛ (dc)

¹¹ Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Yálá laawoo hɛɓɛ

¹¹ Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Bible

¹¹ È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Maafîu 13:11 Iomraidhean Croise

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Azaya 29:11

Mɛ̨nį hu pɔ̨nɔ̨ɔ̨ tii, hu kpinįɛi kaa ɲɛ̨i ɓa, yɛ hɛɓɛ́ laakpulɔɔ hu mɛ̨nį, yaai da dɛɛ hɛɓɛ́ kɔ́lɔnmun bɔ, diɛ mą: «ɉɛɓɛ́i ŋɛ̨i hu woo ɓo», yaan yɛ diɛ: «vá pɛli ɉu woo ɓoi mąąhɔlɔɓo, naa kpulɔɔi.»

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Maafîu 13:10

Jesus nwɔ kalan nɛai di lɛɠɛ mą, diɛ mą: «Lə mɛ̨nį ɓa ə́ kaa mɛ̨nį kəlee ɓoi diɛ hanwon ɉu?»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Maafîu 19:11

Jesus ə di woo ŋąąpənə yɛ diɛ: «Nu kəlee hvəə a pɛli niɛwoo ŋɛ̨i hon ɉi, hvo kɛli nuą Yálá a mąą kili tɛɛ di pɔ.

Maafîu 20:23

Diɛ mą: «Kwa pɛli ku mįi!» Jesus yɛ diɛ: «Yii ɓaa mɔ̨nɔ̨ nwɛi, ka káá pai miii, kɛlaa, yii ɓaa nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvei yili kaa ná. Nuąi Ną́n Yálá ə gɛɛnąąɠaa tii pɛli a di wɔɔ, diɛ ɓə nąą kaa a di wɔɔ.»

Markə 10:40

Kɛlaa, yii ɓaa a nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvəə yili kaa ná. Nuąi Ną́n ə́ gɛɛnąąɠaa tii pɛli di di laa ɓa, diɛ ɓə nąą kaa a di wɔ.»

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Ɉaan 6:65

Jesus yɛ nwɔ̨nɔ̨ yɛ diɛ: «Yili ɓə gɛ, ŋį́ kɛ kaa: nu ta hva pɛli pai bɔ́ akɛ Ną́n hvə dəli li.»

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 15:51

Gáá mɛ̨nį loɔ ta lɛi kaa; gu kəlee gu hvo pai haai, kɛlaa, gu mąą kaa pai hvalin ɉii,

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Korɛntə dɔlɔɔ 4:1

Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Ifisiɛŋ 5:32

Noo mɛ̨nįi ŋɛ̨i gɛnɛ̨i, nwɛ́i gáá kpɔ kɛi diɛ: yili hvilɛnŋąąi Kristə da nwɔ kpɔn diɛ.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote dɔlɔɔ 3:9

Mąąnɛ̨ɛ̨ di kanąn laa na laa ŋą tɛ̨ą ɓa a kili lɛlɛɛ.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.