Maafîu 12:46 - Yálá laawoo hɛɓɛ (dc)

⁴⁶ Ɓɛlɔwai Jesus ə kɛ mɛ̨nįɠaa tii ɓo la, nee da gaayɔwɔɠaa di kɛ tɔɔni ɲɛnɛ̨ɛ̨, diɛ gwɛli.

Yálá laawoo hɛɓɛ

⁴⁶ Ɓɛlɔwai Jesus ə kɛ mɛ̨nįɠaa tii ɓo la, nee da gaayɔwɔɠaa di kɛ tɔɔni ɲɛnɛ̨ɛ̨, diɛ gwɛli.

Bible

⁴⁶ Tãi è kɛ̀ niî lônoi la gbɔŋ pɔi, ǹee da ǹêɣe-ni dí pá dí kɛ̀ ƃò tɔɔ̂i ni ŋínii ŋá díkɛ ŋ̀wɛli dí lóno bɔ.

Maafîu 12:46 Iomraidhean Croise

Maafîu 1:18

Bələi di Jesus Kristə hɔlɔɓo la bələ ka. Nee Mari hilɛtai kɛɛ kɛ Ɉosɛfə ɓa, kɛlaa di hvo nii kɛ lɔ li pɛlɛn. Mari ə koo həɠə a Kili-Mąąhəɠɛɛ kɛ mɛ̨nį.

Maafîu 12:47

Nu ta ə mo Jesus ɓa, yɛ mą: «Ə́ lee da ə́ kaayɔwɔɠaa, di kaa tɔɔni ɲɛnɛ̨ɛ̨, diɛ ə́ kwɛli, diɛ mɛ̨nį ta ɓo yɛ́.»

Maafîu 13:55

Kɛlɛi nwulu haɠa mun non məi? Nee hvaa a Mari? Kɛlɛi, nəɠəni ɓaa a Ɉakə, Ɉosɛfə, Simɔn, da Ɉudə?

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Maafîu 2:20

yɛ mą: «Ɉosɛfə! 'Ka pənə ka li Israɛlə lɔi hu, ɓɛi ka həɠə laai. Mąąhɔlɔɓo, nuąi kɛ bɔ di nokoloi paa, daa haa.»

Markə 2:21

Nu hva həɠə ɓɛla nįnɛ̨ hɔlɔ həɠə pɔlɔ ɓa. Mąąhɔlɔɓo, ɉəɠə ɓɛla nįnɛ̨i tii aa kɛi kulɔ bɔlɔ ɓa, a nwolo hu kɛnɛ̨ ə tɛɛ bɔlɔ ɓa.

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Lukə 1:43

Ə mo nwɔ̨nɔ̨ yɛ mą: Gbɛɛ ɓaa a ɲą́ą́ yaai Ną́mu Yálá nee a pa nwoo pili mą́ą́?

Lukə 2:33

Mɛ̨nįɠaai tii Simeɔn ə kɛi mo yɛ hvilɛn na Jesus ɓa, yili ə Ɉosɛfə da Jesus nee di kwəi pili diɛ.

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Lukə 2:48

Ɓɛlɔwai Ɉosɛfə da Mari di gaa la, di kwəi ə pili diɛ; Mari ə mo Jesus ɓa yɛ mą: «Nón, lə mɛ̨nį ɓə ŋɛ̨i ə́ gɛ a kuɔi? Kwa ə́ nąn kwaa ə́ kwɛli kpɔ kɛnɛ̨.»

Lukə 2:51

Jesus ə di woo hon, ə muhəɠə, ə lɛɛ di pɔ da diɛni də li di pɔ taai Nazarɛtə. Kɛlaa, Mari nwɛ́i ə gili lɛɛ mɛ̨nįɠaa tii kəlee hu.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Ɉaan 19:25

Jesus nwɔ kolɔwa kwɛlɛ, Jesus nee ə kɛ laa tɔɔni da nee gaayɔwɔ Mari yai kɛ a Klopasə nɛ̨ą, da Mari Magdala mun.

Ɉaan 2:1

Hvóló hveelɛ tɛɛ pulu, húlu lɔ kwəinɛ̨ɛ̨ ə kɛ Kana daai, Galile lɔi hu Jesus nee ə kɛ laa.

Ɉaan 2:12

Yili pulu ə li Kafarnaumə daai, yaa, nee, gaayɔwɔɠaa da nwɔ kalan nɛai. Di hvə hvóló tamąą kɛ laa daai.

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Ɉaan 7:10

Lii kɛa Jesus kaayɔwɔɠaa də li lə ɉɛli ɓa, yaa kpɛli ə həɠə yɛ li, kɛlaa, ə li noo pələi.

Ɉaan 7:3

Jesus kaayɔwɔɠaa di mo mą diɛ mą: «'Həɠə ɓɛ ə́ li Ɉude lɔi hu pələ. Ya ɓə a gɛ mɛ̨nįɠaai ə́ kaa gɛi, ə́ wɔ kalan nɛai diɛ kpɛli di gaa.

Ɉaan 7:5

Yaan, kaayɔwɔɠaa di hvo kpɔ kɛi laa na.

Gɛlaɠaa 1:14

Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Korɛntə dɔlɔɔ 9:5

Akɛti, mąąlaa hvo mɔ̨ɔ̨ ku yəi, ku hvo kristalon nɛ̨ąą hvilɛn ku pɔ, yɛ bələi, gɛlaɠaa takpɛliɠaa di gɛ la, a gu Nąmu kaayɔwɔɠaa da Sefasə?

Galatə 1:19

Və́ kpɛli gɛlaɠaa yiiɠaa ti tanɔ̨n gbɛli kaa, ə kulɔ lɔ, Ɉakə gu Nąmu kaayɔwɔ.