Maafîu 12:10 - Yálá laawoo hɛɓɛ (dc)

¹⁰ Hulɔnu ta ə kɛ laa, yii kɛ ɲee kpalaa mą. Nuą tii di kɛ bɔ, di Jesus hon vaa woo hu, di mąąni kɛ, diɛ mą: «Akɛti, gu wɔ tɔ́n ə mo yɛ, di nu kɔ́lɔi pono a túwɔ lɔwɔ yələ?»

Yálá laawoo hɛɓɛ

¹⁰ Hulɔnu ta ə kɛ laa, yii kɛ ɲee kpalaa mą. Nuą tii di kɛ bɔ, di Jesus hon vaa woo hu, di mąąni kɛ, diɛ mą: «Akɛti, gu wɔ tɔ́n ə mo yɛ, di nu kɔ́lɔi pono a túwɔ lɔwɔ yələ?»

Bible

¹⁰ Nalôŋ tɔnɔ è kɛ̀ naa, ǹyée sàa ma. Nya ƃe dí marê kɛ̀, dîyɛɛi, “Gáa dɔ̂ŋ lá-woo ma a gɛɛ dí núu ƃálo a Vii-tɔɔ-ɣelei?” Dí mare-kɛɛi ŋí kɛ̀ a gɛɛ dí mɛ̂ni lɛ́ɛ mà.

Maafîu 12:10 Iomraidhean Croise

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Maafîu 12:2

Yii kɛa Farisiɛ̨ɠaa di ɓɛli kaa tii, di mo Jesus ɓa diɛ mą: «Ə́ wɔ kalan nɛai kaa li, yii tɔ́n dɔɔi mą ku yəi háákəlee hvólói ŋɛ̨i mąą mɛ̨nį ɓa, diɛ gɛ!»

Maafîu 19:3

Farisiɛ̨ taɠaa di kɛ laa di kɛ bɔ di Jesus hon nwoo hu. Di pa diɛ mą: «Akɛti, gu wɔ tɔ́n a hvaa mą nu ə nɛ̨ą kpɛ hɔn nɔpee gəlee mąą mɛ̨nį ɓa?»

Markə 3:2

Nuą tii kɛ laa di ŋɛ̨i heei kɛ Jesus ɓa, diɛ kɛ diɛ: kɛ gaa pai hulɔnu tii kɔ́lɔi ponoi a vįitɔɔ yələ! Mąąhɔlɔɓo, di kɛ bɔ di mąą ɲąba lɔ.

Lukə 11:54

Di kɛi gbąną laa mąąni kɛɠaa kɛ mą, əgɛ, di ɉon nwoo hu.

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Lukə 20:22

Ku kilaa pono, gwa pɛli mɔ̨ɔ̨ nįįhɔ̨nwɔ̨ kulɔi Sesarə ɓa?»

Lukə 23:14

yɛ diɛ: «Ka pa a nui ŋɛ̨i bɔ́ ɓɛ, kaa diɛ: gaa nɔi nuą kwɛiteei, yɛ di həɠə pələ haŋąa mɛ̨i. Yaan, mąąni kɛi ŋį́ mo ka ɲɛ̨i ɓa, və́ hɔn nɔpee ta kaa li mą, yii mąąnɛ̨ɛ̨ ə gaho kɛ ɉu, yɛ hvilɛn na yiiɠaa ka mo a nąą ma.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Ɉaan 5:10

Yili ɓə gɛ, Ɉuifəɠaa diɛ mą: «Háá ɓaa hvįįtɔɔ yələ, gu wɔ tɔ́n gaa mą nu hvo ə́ laa hɛn ɉəɠə yɛ́ hiɛ la.»

Ɉaan 5:3

Kələ lɔɔli ə kɛ ɲái tii kwɛlɛ. Ɲɔ̨n gɛ nu tamąą di kɛ gələɠaai tii mu laani. Daɠaa diɛ ɓo a: ɲɛ̨ipu nuą, kɔ́wɔ nwąną nuą da kpɛlɛɠɛlɛ ɲɔ̨n gɛ nuą. Di kɛ laa diɛ ɲá tumoɔ mąąkpɔn.

Ɉaan 7:23

Yii da nu hee kɛ́nɛ̨ ɓa a hvįįtɔɔ yələ, hva Moisə nwɔ tɔ́n həɠə mą, lə mɛ̨nį ɓa ŋą́ą́ nu ɓalo a hvįįtɔɔ yələ ka kpuluun a ɲą́ą́?

Ɉaan 8:6

Nuąi tii kɛi yili kɛi, di kɛ bɔ di Jesus hon vaa woo hu; əgɛ; di mąą ɲąba lɔ. Kɛlaa, Jesus ə nwun vilɛn, yɛ hɛɓɛ́ pɛ̨ɛ̨ nɔi ɓa a ɲeekpiɛ.

Ɉaan 9:16

Farisiɛ̨ɠaa lɔwai, daɠaa diɛ kɛ diɛ: «Akɛtii, nu kpɔ hvo hvįįtɔɔ yələ kɔ́lɔn? A kɛ yili kaa tii, hvo həɠə li Yálá pɔ.» Kɛlaa, da kpɛliɠaa diɛ kɛ diɛ: «Nɛ̨ŋɛ̨n ɉəɠəmun nɛlɛ ɓə a pɛli ə gbalo mɛ̨nį taaləi ŋɛ̨i ɲɔ̨nwɔ̨mą gɛi?» Yili ɓə woo taɠa too la di lɔwai.