Maafîu 11:1 - Yálá laawoo hɛɓɛ (dc)

¹ Ɓɛlɔwai Jesus ə kpɛɛ la a niɛwooɠaa tii kɛɛ, nwɔ kalan nɛa pow-kɔw-hveelɛi diɛ, ə həɠə laa, yɛ li, yɛ kalan gɛ nɔi tii hu taa kpɛa-kpɛaɠaa hu.

Yálá laawoo hɛɓɛ

¹ Ɓɛlɔwai Jesus ə kpɛɛ la a niɛwooɠaa tii kɛɛ, nwɔ kalan nɛa pow-kɔw-hveelɛi diɛ, ə həɠə laa, yɛ li, yɛ kalan gɛ nɔi tii hu taa kpɛa-kpɛaɠaa hu.

Bible

¹ Tãi Zîsɛ è kpɛ̀ɛ la a ŋɔpôlu-ƃela puu kao feerɛi tɛɛ̂i, è kùla naa a gɛɛ é sɛŋ lɛ, gɛ Ɣâla-woo ƃo dítaa-ŋai su.

Maafîu 11:1 Iomraidhean Croise

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 7:28

Ɓɛlɔwai Jesus ə kpɛɛ la a mɛ̨nįɠaa tii kəlee ɓoɔi, nu kpului tii kəlee kwəi ə pili diɛ, a Jesus nwɔ kalan gɛ pələ.

Maafîu 9:35

Jesus ə kɛi tɛɛ daa kpɛa-kpɛaɠaa da daa pəlɛɛɠaa hu, yɛ nuą kalan di wɔ Yálá hvɛli pɛlɛ́ɠaa mu; yɛ Yálá-taa tɔɔlaa mąą wɛlɛɛ lɛlɛɛ ɓo diɛ, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ, nuąi kpɛɠii kaa diɛ.

Markə 6:12

Galan nɛa liɛ kɛa, di kɛi kɛ nuą diɛ: «Ka tinɛ̨n ka ka túwɔ́ pɛlɛ ɲɔ̨nŋąą mąąhvalin.»

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Lukə 8:1

Yili pulu, Jesus ə kɛi li taa kpɛa-kpɛaɠaa da taa pɛlɛɛɠaa hu, yɛ kalan gɛ, ə lɛɛ, yɛ Yálá-taa tɔɔlaa mąą wɛlɛɛ lɛlɛɛ laa həli, nwɔ kalan nɛa pow kɔ́w hveelɛ diɛ ɓo bɔ.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 10:42

Ə vɛli kuɔ, yɛ ku mąą mɛ̨nį laa həli nɔi nuą diɛ, ɛlɛɛ, ku nɛ diɛ kuɔ diɛ yaa ɓə Yálá aa ɉəɠə ɉu, aa gɛ a nu hvulúmąąɠaa da haaɓɛlaa di kiti teemun.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.

Tɛsalonikə veelɛ 3:10

Yaan, ɓɛlɔwai ku kɛ la ká pɔɔli, ku díɓoi ŋɛ̨i tɛɛ ká pɔ, kuɔ káá: «Nui hvo bɔ hvo kóló kɛ, hvo kpɛli kɔ̨nɔ̨n mįi.»

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.

Timote dɔlɔɔ 6:14

Mɛ̨nįɠaai ti ŋį́ ə́ tí la, ə́ ə́ yee kąnąn diɛ kpɔ kpąą, 'hvó mąą kala, 'hvó ɲɛ̨i ɲɔ̨nwɔ̨i hee mą, ə lɛɛ ɉu, gu Ną́mu Jesus Kristə pa yələ yɛ ɉəli mą;