Maafîu 10:36 - Yálá laawoo hɛɓɛ (dc)

³⁶ Nu ɲowo ɓa pai kɛi a ɲəi bɛlɛ́n nuą.

Yálá laawoo hɛɓɛ

³⁶ Nu ɲowo ɓa pai kɛi a ɲəi bɛlɛ́n nuą.

Bible

³⁶ Núu ŋɔkpɔara-ƃela da pâi kɛ̂i a ŋɔpɛ́rɛi mu-ƃela.

Maafîu 10:36 Iomraidhean Croise

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Mąątɛ̨nɛ̨ 55:13

Ə li kɛ ɲówo ɓə tii nálan ɉii, ŋį́ li kɛ níi laa yili hu, ə li kɛ nui nwɛ́li hvo mą, ya ɓə tii tɔɔi nái, ŋą́ li pu kɛ dɔwɔ.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Mise 7:6

Mąąhɔlɔɓo, lon ɉulɔnu a nąn gaa yɛ ɓowomun, lon nɛ̨ɛ̨nu yɛ tɔɔ nee la. Lon nɛ̨ą yɛ tɔɔ ɉilɛ lee la, nu ɲowo ə ɓo gɔwɔ ɓaa mɛ̨i.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Samuɛlə dɔlɔɔ 17:28

Davidə niɛ nu pɔlɔ Eliavə ə Davidə woo mɛ̨n, ɓɛlɔwai Davidə da nuą di kɛi nono kɛ la. Níi ə holi nəɠə pɔ, yɛ mą: «Lə ɓə mun ə́ pa ɓɛ gɛi? Gbɛɛ ɓə ə́ daatɛlɛɛ logoloi tii lɛɛ ɲəi nɔi pun ɉu? Ŋą́ ə́ kɔ́lɔn, ə́ kaa wúu; ə́ wɔ kiliŋąhiɛ hvo lɛlɛ li, gɔ́ naa kaa mɛ̨nį ɓə ə́ paa la.»