Maafîu 10:2 - Yálá laawoo hɛɓɛ (dc)

² Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Yálá laawoo hɛɓɛ

² Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Bible

² Ǹyaŋ ŋɔpôlu-ƃela puu kao feerɛi láa ka ŋí: Maa-ŋuŋ ƃa Samaŋ, nyii da kɛ̂ ma Pitɛi, ǹêɣe Aŋdulu, Zɛƃɛdi ǹóŋ Zĩi da ǹêɣe Zɔ̂ŋ,

Maafîu 10:2 Iomraidhean Croise

Maafîu 17:1

Hvóló mɛ̨ihveelɛ tɛɛ pulu, Jesus ə Piɛrə, Ɉakə da nəɠə Ɉaan ni həɠə ə li a diɛ yee ta tona, di tɔ̨nɔ̨ kɛɛ naa.

Maafîu 20:20

Zebede lon ɉinąą hveelɛ di lee ə pa ə pɛlɛ Jesus kɔ́wɔ mu. Ə gɛ ə mɛ̨nį ta hvɛli ma nonnii hveelɛi mąą mɛ̨nį ɓa.

Maafîu 26:37

Gɛɛ lii, ə Piɛrə da Zebede lon ɉinąą hveelɛi həɠə, da diɛni də li. Jesus ə lɛɛ lɔ laa, lii kələn gwəi da liihɛlɛn ə gɔwɔ tɔɔ yɛ too mą.

Maafîu 4:18

Yii kɛa Jesus ə kɛi tɛɛ Galile Bówa kwɛlɛ, ə diŋɛ̨n bili nuą hveelɛ kaa, diɛ ɓo a nąn non dɔ̨nɔ̨. Dɔ̨nɔ̨ laa ɓa kɛ a Simɔn, naa mɛ̨i hee ɓa a Piɛrə, da nəɠə Andre. Di kɛ a hɔ̨nwɔ̨lee kpɛ nuą.

Maafîu 4:21

Ə mąą tɛ nwɔ̨nɔ̨, ə Zebede lon ɉinąą hveelɛ kaa, Ɉakə da nəɠə Ɉaan, diɛ ɓo heeni di nąn gwɛlɛ gələn ɉu, diɛ di wɔ diŋɛ̨nŋąąi nwolo ɓa hɔlɔɔn. Jesus ə di təli.

Markə 1:29

Jesus kulaa Yálá hvɛli pɛlɛ́ mu, Ɉakə da Ɉaan di lɛɛ bulu da diɛni diɛ li Simɔn da Andre ni yei bɛlɛ́n.

Markə 13:3

Jesus kɛɛ heeni Olivə yee mɛ̨i, Yálá hee pɛlɛ́ tənən ma, di tɔ̨nɔ̨ konɉu nuą kɛ gwɛlɛ diɛ ɓaa: Piɛrə, Ɉakə, Ɉaan da Andre; yiliɠaai di mąąni kɛ, diɛ mą:

Markə 6:30

Galan nɛa pow kɔ́w hveelɛ tii Jesus ə di tɔɔ, di pənə di pa. Yiiiɠaai kpɔ di gɛ, da yiiɠaai kpɔ di galan, di gəlee hukulɔ Jesus ɓa.

Lukə 11:49

Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Lukə 22:14

Kɔ̨nɔ̨n mįi kɛi lɔwai həliɛ, Jesus da nwɔ kɛlaɠaai di hee gɔ̨nɔ̨n ma.

Lukə 22:8

Jesus ə Piɛrə da Ɉaan di tɔɔ, yɛ diɛ: «'Ka li ka pakə kɔ̨nɔ̨n bɛli gu yəi.»

Lukə 5:10

Pələ lɔ ɓə ə kɛ la a Zebede lon ɉinąą hveelɛi: Ɉakə da nəɠə Ɉaan, diɛi kɛ a Simɔn mɛlaani. Kɛlaa, Jesus ə mo Simɔn ɓa, yɛ mą: «Hvo ɲɔw, ə həɠə háákələi ɓa, ə́ kaa pai kɛi a nu kwɛli mun.»

Lukə 9:10

Jesus nwɔ nu pow kɔ́w hveelɛ tii ə di tɔɔ, di pənə di pa, yiiɠaa kpɔ di gɛ, di gəlee hukulɔ mą. Ə di həɠə, da diɛni də li Bɛtsaida daa kwɛlɛ, di tɔ̨nɔ̨ kɛɛnąą.

Ɉaan 12:22

Filipə ə li ə nwoo hukulɔ Andre ɓa, di nu hveelɛi də li di mo Jesus ɓa.

Ɉaan 13:23

Jesus nwɔ kalan non dɔ̨nɔ̨, yii kpɔ nwɛli ə kɛ mą, ə kɛ heeni gwɛlɛ.

Ɉaan 20:2

ə gilɛ həɠə yɛ li Simɔn Piɛrə pɔ da galan non ŋɛ̨i nwɛli ə kɛ Jesus ɓai, yɛ diɛ: «Daa Ną́mu kulɔ gámąi, ɓɛi di naa la ku hvo nąą kɔ́lɔn.»

Ɉaan 21:2

Simɔn Piɛrə, Tomasə yai da kɛ mą: Didimə, Natanaɛlə yai həɠə Kana Galile lɔi hu, Zebede lon ɉinąą hveelɛi da kalan nɛa hveelɛ di kɛ di kee pɔ.

Ɉaan 21:20

Galan non nwɛli ə kɛ Jesus ɓa, a yai kɛ tunwɔ̨n ŋąą kɛ Jesus kɛŋɛ la ɓɛlɔwai di kɛi laa mį́i kɛ la, yɛ kɛ Jesus ɓa: «Gbɛɛ ɓə pai ə́ lɔwɔ́tɔɔi?» Piɛrə ə tinɛ̨n, ə gaa yɛ pa.

Ɉaan 21:24

Galan non tii ɓə mɛ̨nįɠaa ŋɛ̨i mąą kɛla woo ɓoi, ɛlɛɛ, yɛ bɛ̨ɛ̨. Ku laai na, kuɔ diɛ: mɛ̨nįɠaa ŋɛ̨i ə mo, gaa a tɛ̨ą.

Ɉaan 6:67

Nąąlɔwai Jesus ə mo nu pow kɔ́w hveelɛ tii diɛ: «Kaa kpɛli ka káá bɔ ka ka pulu pənə?»

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Ɉaan 6:71

Ɉudasə ŋɛ̨i kɛ a Simɔn Iskariɔtə mun lon, ya ka tii Jesus ə kɛi mąą mɛ̨nį ɓo. Mąąhɔlɔɓo, ya ɓə kɛ a nu pow kɔ́w hveelɛ tii dɔ̨nɔ̨, yii kɛi pa Jesus lɔwɔtɔɔi.

Ɉaan 6:8

Jesus nwɔ kalan non dɔ̨nɔ̨, Andre, yai kɛ a Simɔn Piɛrə nəɠə, ə mo Jesus ɓa, yɛ mą:

Gɛlaɠaa 1:13

Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Gɛlaɠaa 1:26

Di gbɛɛn bili, gbɛɛn ə Matiasə hon, ə kɛ a Ɉudasə mąąhvalin. Ə too gɛla pow kɔw tanɔ̨n pɔ, ə di laa kulɔ.

Gɛlaɠaa 12:2

Ə Ɉaan niɛ Ɉakə paa a ɓɔwa kwɛa.

Gɛlaɠaa 3:1

Hvóló mąąlaa pɛlɛ kɔ́n nįnįn da wolo kwɛa, Piɛrə da Ɉaan də li Yálá hee pɛlɛ́ mu Yálá hvɛli mɛ̨nį ɓa.

Korɛntə dɔlɔɔ 15:7

Yili pulu, ə ə gbɔwɔ lɛ Ɉakə ɓa, da gɛlaɠaa kəlee.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Zɔ̂ŋ Veerɛi 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Bɛlɛ́-lee-nɛ̨ą tii di ɉəɠə ɉu mą, da nonnii, a yai nwɛli kaa mą́ą́ tɛ̨ą kɛɛ pono hu, ɲą́ą́ danɔ̨n nɔ hvəə, nwɛli kaa mą́ą́, kɛlaa yiiɠaai kpɔ tɛ̨ą kɔlɔnŋąą kaa di yəi diɛ kpɛlimąn;

Zɔ̂ŋ Zaaƃai 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Gaiusə ɓa, yai nwɛli kaa mą́ą́ tɛ̨ą ŋą kɛɛ pono hu.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 22:8

Ɲą́ą́ Ɉaan, ŋį́ mɛ̨nįɠaa tii mɛ̨n, ɛlɛɛ, ɲɛ̨́i ə tɔɔ ɉu. Yii kɛa ŋį́ gaa, ŋį́ mɛ̨n na, ŋį́ pɛlɛ níiɓa, əgɛ, ŋį́ gwɛli hvilɛn, malakai tii mɛ̨nįɠaa lɛ mą́ą́ gɔwɔ mu.