Maafîu 10:15 - Yálá laawoo hɛɓɛ (dc)

¹⁵ Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Yálá laawoo hɛɓɛ

¹⁵ Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Bible

¹⁵ Ŋá tɔ̃yâ ƃôi kâa, m̀aa taai tí ŋɔsɔnyɔ̂ŋ a pâi kɛ̂i a dɛ́ɛ Sodɔŋ da Gomora lɔii ŋɔi ma a mɛni-ŋa-tee-tãi.

Maafîu 10:15 Iomraidhean Croise

Maafîu 12:36

Gáá moi kaa, Yálá nwɔ kiti teei lɔwai, nwoo kpɛli-kpɛliɠaai nuą da mo, di hvulú kɔ́wɔ ŋą, da dɛ ɲɛ̨i ɓa kɛ Yálá lííla.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Maafîu 7:22

Volói tii, nu tamąą kaa pai kɛi mą́ą́: ‹Ną́mu, Ną́mu. Kɛlɛi, ku kɛi Yálá mąą mɛ̨nį ɓo nuą diɛ, ə́ laa hu? Ku kɛi ɲį́nɛ̨nŋąą kpɛ nuą pulu ə́ laa hu? Kuɔ kpalo mɛ̨nį tamąą kɛ ə́ laa hu?›

Markə 6:11

Akɛ daa tii hu nuą da wala di yee hee ka mui, da wala di wəli tɔɔ ka woo ɓai, ka həɠə laa. Ka kɛi həɠə laai, ka ka kɔ́wɔ ɲą munun gulɔ ka kɔ́wɔ ɓa ka nɛɛ laa. Yili a kɛ diɛ a ka wɔ kɛla.»

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Ɉaan 6:39

Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Korɛntə dɔlɔɔ 3:13

nu kəlee kɛ kólo kaa pai tooi pono ɲą. Giti tee hvóló ɓə pai gbaɠala lɛ, gaa pai nɛi a nwɔ̨n, ɛlɛɛ, nwɔ̨n mə pai nu tɛitɛi kɛ kolo hutɔɔi.

Tɛsalonikə dɔlɔɔ 5:4

Kɛlaa, ká wɛi ną́n nonnii, ká hvo kpinį hu, əgɛ, ɲələi tii hvo pa kulɔ ká tɛɠii yɛ nwuɔ̨mun.

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.