Maafîu 10:1 - Yálá laawoo hɛɓɛ (dc)

¹ Jesus ə nwɔ kalan nɛa pow-kɔw-hveelɛi təli, ə ɲį́nɛ̨n gbɛ huwalawala tɛɛ di pɔ, da ɲɔ̨n ɉuwu kəlee kpɛɛ mɛ̨nį nuą diɛ, ə mą kɛ nuąi kpɛɠii kaa diɛ.

Yálá laawoo hɛɓɛ

¹ Jesus ə nwɔ kalan nɛa pow-kɔw-hveelɛi təli, ə ɲį́nɛ̨n gbɛ huwalawala tɛɛ di pɔ, da ɲɔ̨n ɉuwu kəlee kpɛɛ mɛ̨nį nuą diɛ, ə mą kɛ nuąi kpɛɠii kaa diɛ.

Bible

¹ Nya ƃe è ŋɔpôlu-ƃela puu kao feerɛi tòli é wala-wala-laa tɛɛ dípɔ nyînaŋ nyɔ́mɔɔ-ŋa mɛi a gɛɛ dí díkpɛ dí kɔlɔ-fela-sii kélee ƃalo da mɛni-soli-sii kélee.

Maafîu 10:1 Iomraidhean Croise

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 26:20

Yələ wulii pɔ Jesus da nwɔ kalan nɛai di kɛ heeni diɛ di kɔ̨nɔ̨n mį́į́.

Maafîu 26:47

Jesus ə lɛɛ lɔ moi tii, nwɔ kalan nɛai dɔ̨nɔ̨ yii da kɛ mą Ɉudasə, dɔɔ nuą ɲɛ̨itɔwɔ diɛ pa. Nu kpului tii kɛ bulu, gbɔn ə kɛ daɠaa yəi, ɓɔwa kwɛaa yɛ ɓo daɠaa yəi. Ɉaláá laa həli nuą kpɛa-kpɛaɠaa da Ɉuifə kalaɉɔnŋąa ɓə nuą tii tɔɔ.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Maafîu 9:35

Jesus ə kɛi tɛɛ daa kpɛa-kpɛaɠaa da daa pəlɛɛɠaa hu, yɛ nuą kalan di wɔ Yálá hvɛli pɛlɛ́ɠaa mu; yɛ Yálá-taa tɔɔlaa mąą wɛlɛɛ lɛlɛɛ ɓo diɛ, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ, nuąi kpɛɠii kaa diɛ.

Maafîu 9:38

Yili ɓa, ka díi nąmu hvɛli, ə gɛ, ə mɔ̨nun dee nuą tamąą tɛɛ di nwɔ mɔ̨nun tee.»

Lukə 10:19

Jesus yɛ diɛ: «Ka ka wəli tɔɔ, ŋą huwalawala tɛɛ ka pɔ, kaa hiɛ kaalə mɛ̨i da ɲɔ̨n-gaalə, ə lɛɛ, ka ɓilihi nwɔ huwalawalaɠaa kəlee hu taɠa. Mɛ̨nį ɲɔ̨n nɔpee ta hvo kɛ a kaa.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 24:49

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Lukə 6:13

Yələ wala pɔ, ə galan nɛa kəlee təli, ə nu pow kɔ́w hveelɛ yɛɠɛ ɉu, ə di laa hee a kɛlaɠaa.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 19:15

Kɛlaa, ɲįnɛ̨n ti ə di woo ŋąapənə yɛ mą: «Ŋą́ Jesus kɔ́lɔn, nui ɓaa Polə, ŋį́ gɔlɔn. Kɛlaa, káá ŋɛ̨i, gbɛɛ nuą ɓaa a káá?»

M̀ɛni-lɛɛi 12:1

Mɛ̨nį kɛnɛ̨ ta ə kɛ yələ kwəi, nɛ̨ɛ̨nu ta ɓə, mąą həɠə ə kɛ a hvóló, ɲąnįn ə ɓo gɔwɔ mu, ɛlɛɛ, tɔɔɓɔlɔ ə ɓo nwuɔ̨, mąą puɔ a pɛmɛ̨lɛ̨n-gɔw pow kɔ́w hveelɛ.