Lukə 9:42 - Yálá laawoo hɛɓɛ (dc)

⁴² Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Yálá laawoo hɛɓɛ

⁴² Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Bible

⁴² Gɛɛ kɛ̀ pâi nyînaŋ nyɔ́mɔɔi e dòo ǹɔii ma, fɛli-fɛli kɛ́ gula. Kɛ́lɛ, Zîsɛ e nyînaŋ nyɔ́mɔɔi kpèra, e zurɔ̂ŋ-loi ƃalo, e dɛɛ pôlu ǹâŋ pɔ.

Lukə 9:42 Iomraidhean Croise

Tɔɔɓɛlaa dɔlɔɔ 17:23

Eli ə gbəŋə, ə kulɔ la nwɛ̨ą pɛlɛ́ mu, ə yɛɛ la ɓɛi nee ə kɛ laa, ə dɛɛ nee pɔ, yɛ mą: «Ə́i! Ə́ lon vulú mąą ka.»

Tɔɔɓɛlaa veelɛ 4:36

Elise ə Gehazi təli, yɛ mą: «Mo nee ɓa, ə pa.» Gehazi ə dəli, yili ə pa ə həli Elise ɓa. Elise yɛ mą: «Ə́ lon ga, ɉəɠə ə́ li la.»

Markə 9:20

Di paa la bɔ. Yii lɔ ɲinɛ̨n tii ə Jesus kaa, ə nokoloi tii hu kpɛli gbɔ kɛnɛ̨, ə doo nɔi ɓa, yɛ giliɠilin, nɛaya hvili yɛ tɛ.

Lukə 7:15

Nu powai tii ə muhəɠə, ə hee, yɛ kɛa hvaa. Jesus yɛ galanən nɛ̨ɛ̨nui tii ɓa: Ə́i, ə́ lon ga.

Lukə 9:39

Ɲįnɛ̨n tii a kɛ dooi, yɛ tómą, yili pulu, yɛ ɉu kpɛlin gbɔ a nwala-walaa, ɲɛa-ya hvili yɛ tɔɔ, a nąą nɔ̨nwɔ̨ ɓo kpɔ a mɔlɔɔ, hva tee mą lɔ tii ɉa.

Lukə 9:41

Jesus ə haŋą nuą tii kɛ laa diɛ, yɛ diɛ: «Ee ka wɔ laa na laa hvo kɛnɛ̨ li, ka wɔ mɛ̨nį ɲɔ̨nwɔ̨ɔ̨i! Akɛti, gáá pai lɛɛi ka pɔ hvo kɛli mįnɛ̨ lɔwai? Jesus yɛ ɉulɔnui tii ɓa: Pa a ə́ lon tii ɓɛ.»

Lukə 9:43

Nuą tii kəlee kwəi ə pili diɛ, Yálá nwɔ mąąwiɛ kɛnɛ̨i tii di gaa mąą mɛ̨nį ɓa. Mɛ̨nį tii Jesus əgɛ, gwəi pili mąą ə lɛɛ lɔ nuą tii diɛ, yɛ nwɔ kalan nɛai diɛ:

Ɉaan 6:19

Galan nɛa mąą kwɛa kɛa kɛ gbukpu ɓa a kələn dɔ̨nɔ̨ ɲɔ̨nwɔ̨mą. Ɓɛlɔwai di Jesus kaa la yɛ hiɛ ɲa ŋą, yɛ lɛɠɛ diɛ, di ɲɔ̨w kpɔ kɛnɛ̨.

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»