Lukə 8:41 - Yálá laawoo hɛɓɛ (dc)

⁴¹ Hulɔnu ta, yai kɛ a Yálá hvɛli pɛlɛ́ nwun nąmu ta, diɛ kɛ nąą ɓa: Ɉairɔsə, ə pa, ə too Jesus kɔ́wɔ mu, ə nɛ̨ɛ̨mąą hvə mą, yɛ mą: «Pa gwəli ɲə́i bɛlɛ́ laaləi,

Yálá laawoo hɛɓɛ

⁴¹ Hulɔnu ta, yai kɛ a Yálá hvɛli pɛlɛ́ nwun nąmu ta, diɛ kɛ nąą ɓa: Ɉairɔsə, ə pa, ə too Jesus kɔ́wɔ mu, ə nɛ̨ɛ̨mąą hvə mą, yɛ mą: «Pa gwəli ɲə́i bɛlɛ́ laaləi,

Bible

⁴¹ Nya ƃe nalôŋ tɔnɔ e pà, ǹáa ƃe kɛ̀ a Zailɔ, nyii kɛ̀ a Ŋ̀âla-fɛli-kerei mɛi-nuui; e tòo Zîsɛ kɔ́ɔ mu, e gbera fé a gɛɛ e pa ŋɔpɛ́rɛi mu,

Lukə 8:41 Iomraidhean Croise

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Lukə 8:42

mąąhɔlɔɓo, ɉulɔnui tii, non nɛ̨ɛ̨nu tɔ̨nɔ̨ gbən ə kɛ laa, gaa kwɛlan ə kɛ lɔ pow kɔ́w hveelɛ ɲɔ̨n ə kɛ mą, ɉaa lii yɛ tɛ la.» Ɓɛlɔwai kɛa Jesus ə kɛi li la ɉulɔnui tii yəi bɛlɛ́ laaləi, nu kpulu kɛnɛ̨ tinɛ̨n ŋąąi kɛ mą, diɛ vana di kee lɔwai.

Lukə 8:49

Ɓɛlɔwai, Jesus ə kɛi nwoo tii ɓo la, wɛlɛɛ ɓomun da, ə həɠə Ɉairusə yəi bɛlɛ́n, ə pa, yɛ Ɉairusə ɓa: «Ə́ lon nɛ̨ɛ̨nu aa haa, ə mą kɛ hvo kalamɔ̨ɔ̨ hviikpɛɛ li.»

Ɉaan 11:21

Martə ə mo Jesus ɓa yɛ mą: «Ną́mu, ə́ li kɛ ɓɛ, mą́ą́hulɔnu hvəə haa.

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 18:17

Nąąlɔwai, di kəlee di wolo Sostɛnə ɓa, yai a Yálá hvɛli pɛlɛ́ nwun nąmu, di ɉu gɛlɛ laa gití pɛlɛ́ laaləi. Galiɔn ɲɛ̨i hvo mąn kɛ nąą bələ.

Gɛlaɠaa 18:8

Krispusə, yai a Yálá hvɛli pɛlɛ́ nwun nąmu, ə laa gu Ną́mu Jesus la da ɲee bɛlɛ́n nuą, ɛlɛɛ, Korɛntə daai nuą tamąą, diɛi kɛi di wəli tɔɔ Polə woo ɓa, di laa Jesus la, di di mąąwaa.

Gɛlaɠaa 9:38

Ɉope kalan nɛa di bələ mɛ̨n diɛ, Piɛrə kaa Lida. Daa hveelɛi ti lɔwai hvo kɛ kwɛa li gee ɓa. Di nu hveelɛ tɔɔ, ə gɛ, də li di nwəlɛɛ ɓo Piɛrə ɓa, diɛ kɛ mą: «Ku kaa nɛ̨ɛ̨mąą hvəə yɛ́, kuɔ ə́ pa ku pɔɔli, hvo ɉu kwɛa.»

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.