Lukə 8:10 - Yálá laawoo hɛɓɛ (dc)

¹⁰ Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Yálá laawoo hɛɓɛ

¹⁰ Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Bible

¹⁰ E mò dîa, ǹyɛɛ, “Káa ƃe Ɣâla ŋɔkâloŋ-laai maa-loo mɛni-ŋai kɔlɔŋɔɔ tɛɛ̂i kápɔ, kɛ́lɛ, ǹûai kpeli-ŋai dɛɛ̂i dípɔ a sáŋ a gɛɛ da gàa, dífe ŋá kaa, da m̀ɛni, dífe tàre zu.

Lukə 8:10 Iomraidhean Croise

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Azaya 6:9

Ə pənə yɛ mą́ą́: «'Lí, ə́ mo nuąi tii diɛ, yɛ́ diɛ: Ka ka wəli tɔɔ kpɔ a nɛlɛɛ, Kɛlaa ka hvo mɛ̨nį kpaɠala kaai, Ka ka ɲɛ̨i hee kpɔ a nɛlɛɛ, Kɛlaa, ka hvo hɛn da mąąkpɛɛ.

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Markə 4:12

Əgɛ, yɛ pələi Yálá laawoo hɛɓɛ́ ə mo la, yɛ mą: «‹Da kɛɛ kaa, di hva mąąkpɛɛ; wəli kaa diɛ mɛ̨nį yɛ too ɉu, kɛlaa, di hva aa kaa; əgɛ, di hvo pa tinɛ̨n di hvo kpəla mɛ̨nį ɲɔ̨n mą, di mąąhvaa hvo lɛɛ!›»

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Korɛntə dɔlɔɔ 12:11

Kɛlaa, mɛ̨nįɠaa tii kəlee, Kili tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.