Lukə 7:44 - Yálá laawoo hɛɓɛ (dc)

⁴⁴ Yili pulu, Jesus ə tinɛ̨n, ə ɲɛ̨i hee nɛ̨ɛ̨nui tii ɓa, yɛ Simɔn ɓa: «Ə́ kaa nɛ̨ɛ̨nui ŋɛ̨i kaai, ŋą́ą́ pa ə́ yəi bɛlɛ́n, hvo mo li di hvo paa a ya, və́ gɔ́wɔ́ mąą waa. Kɛlaa, nɛ̨ɛ̨nui ŋɛ̨i, aa gɔ́wɔ́ mąą waa a ɲɛ̨iya, ə lɛɛ, aa gɔ́wɔ́ mąątí a nwun-nəɠa.

Yálá laawoo hɛɓɛ

⁴⁴ Yili pulu, Jesus ə tinɛ̨n, ə ɲɛ̨i hee nɛ̨ɛ̨nui tii ɓa, yɛ Simɔn ɓa: «Ə́ kaa nɛ̨ɛ̨nui ŋɛ̨i kaai, ŋą́ą́ pa ə́ yəi bɛlɛ́n, hvo mo li di hvo paa a ya, və́ gɔ́wɔ́ mąą waa. Kɛlaa, nɛ̨ɛ̨nui ŋɛ̨i, aa gɔ́wɔ́ mąą waa a ɲɛ̨iya, ə lɛɛ, aa gɔ́wɔ́ mąątí a nwun-nəɠa.

Bible

⁴⁴ Gɛɛ tínanîi nɛnîi pɔ naai, e mò Samaŋ ma, ǹyɛɛi, “Ya nɛnîi ŋi kâai? Ŋa lɔ̀ ípɛrɛi mu, ífe yá tɛɛ ni ḿbɔ ŋ́gɔɔ mɛni ma, kɛ́lɛ, nɛnîi a ŋ́gɔɔ yɔɔ a ŋ̀ɛi-ya, a dímaa kɔ̂ɔ a ŋ̀uŋ-leɣa.

Lukə 7:44 Iomraidhean Croise

Zɛnɛse 18:4

Di pa a yá, ka ka kɔ́wɔ mąąwaa ka hee nwulu nįnįn mu, ka ka hvii tɔɔ.

Zɛnɛse 19:2

Yɛ diɛ: «Nwɔ́ mɛ̨nį nąmįną, gáá nɛ̨ɛ̨mąą hvəi kaa, gɛ́ ka hvaa mą, ka gwə li ɲə́i bɛlɛ́ laaləi, ka ka kɔ́wɔ mąą waa, ka yii laa. Tínąą yələ wala, kaa kɛa li ɓɛi ka káá lii laa.» Nuąi tii diɛ mą: «Kpaa! Ku kaa lii yii gwəli hąąi kɛnɛ̨ ɓa.»

Zɛnɛse 43:24

yili pulu, da mɛlaa di bɛlɛ gee ɓa diɛ lɔ Ɉosɛfə yəi bɛlɛ́n. Di pa a ya di pɔ, ə gɛ, di di kɔ́wɔ mąą waa, di kala tɛɛ di wɔ hoohvalənŋąąi pɔ.

Samia Veerɛi 11:8

Yili pulu, Davidə yɛ Uri ɓa: «'Li ə́ yəi bɛlɛ́ laaləi, ə́ ə́ kɔ́wɔ mąąwaa.» Uri ə kulɔ lɔ tɔɔmun ɲəi bɛlɛ́n, di laŋąn mą a kɔ̨nɔ̨n yai kulɔ tɔɔmu ɲəi bɛlɛ́n.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Lukə 7:43

Simɔn ə nwoo pulu pənə yɛ mą: «Nwɔ́ kwəi, nui ŋɛ̨i di ɉɛn mɛ̨nį kɛnɛ̨ lɛɛ ma, a mɛ̨inɛ̨ɛ̨, ya ɓə.» Jesus yɛ Simɔn ɓa: «Yaa tɛ̨ą ɓo.»

Ɉaan 13:5

Ə ya pu hɛn ɲąŋą ta hu, yɛ nwɔ kalan nɛai kɔ́wɔ mąąwaa, yɛ di kɔ́wɔ mąą kələ a ɉəɠəi ŋɛ̨i kɛ ɲiliɛ ɉaai.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Nwun mąąɓo 19:21

Ɉulɔgoloi ə nwɛ̨ąąi tii lɔ ɲəi bɛlɛ́n, ə kɔ̨nɔ̨n dɛɛ nwɔ hoohvaalənŋaai pɔ. Ə yá tɛɛ nwɛ̨ąą pɔ, di di kɔ́wɔ mąą waa, di kɔ̨nɔ̨n mįi, di di kpələ.

Samuɛlə dɔlɔɔ 25:41

Avigailə ə muhəɠə, ə pɛlɛ niiɓa nɔi ɓa, ə kwɛli hvilɛ Yálá ɓa, yɛ mą: «Ə́ wɔ tímun kaa a luwɔ-nɛ̨ą, váái mą gɛ́ nwɔ́ mɛ̨nį nąmu yee pɔ nuą kɔ́wɔ mąą waa.»