Lukə 7:16 - Yálá laawoo hɛɓɛ (dc)

¹⁶ Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Yálá laawoo hɛɓɛ

¹⁶ Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Bible

¹⁶ Yao e díkelee dísòŋ, díkɛ Ɣâla láa maa tɛ, dîyɛɛi, “Ɣâla ŋɔlóno-kɛ-nuu kɛ́tɛ a pá kúsama! Ɣâla a ŋɔnûai nàa káa!”

Lukə 7:16 Iomraidhean Croise

Mąątɛ̨nɛ̨ 65:9

Ə mą kɛ lɔi kpon ɉeei nuą ɓə, da di liipɔ kɛlɛ, ə́ kɛ mɛ̨nį kpɛa kpɛaa mąą mɛ̨nį ɓa, yá kwəinɛ̨ɛ̨ woo lɔ, hvóló həɠəi pələ, da hvóló tooi pələ lɔiɠaa la.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Maafîu 15:31

Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Maafîu 28:8

Nɛ̨ąą tii, di di pulu pənə kpɔlɔɔ tii a mąą hulaa diɛ li, di kwəinɛ̨ɛ̨ kpɔ kɛnɛ̨, kɛlaa ɲɔ̨w yɛ ɓo di hu, di gilɛ həɠə də li di nwəlɛɛ tii ɓoi, Jesus nwɔ kalan nɛai diɛ.

Maafîu 9:8

Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Lukə 1:65

Nuą kpɔ kɛ nąą kwɛlɛ gəlee di ɲɔw. Mɛ̨nįɠaa tii kəlee bələ ə taɠa-taɠa Ɉude lɔi ɲee tonna taaɠaa kəlee hu.

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Lukə 2:20

Yili pulu, mɛlaa pulu nuą di di pulu pənə diɛ li. Di kɛi Yálá hɛɠɛɛɓo, ɛlɛɛ, diɛ nwɔ kɛnɛ̨ laa da nwɔ mąąwiɛ lɛ; mɛ̨nįɠaai di mɛ̨n, da yiiɠaai di gaa, mąą mɛ̨nį ɓa. Mąąhɔlɔɓo, pələi kpɔlɔ tii malaka ə ɉukulɔ la diɛ, pələ kpɔlɔ ɓə di gaa la.

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Lukə 5:26

Nuą tii kəlee kwəi ə pili diɛ, di ɲɔw, diɛ Yálá mąątɛ̨nɛ̨. Yili pulu, diɛ mą: «Mɛ̨nįi hvo ta kɛli kwaa kələi gaa aa kɛ.»

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Lukə 7:15

Nu powai tii ə muhəɠə, ə hee, yɛ kɛa hvaa. Jesus yɛ galanən nɛ̨ɛ̨nui tii ɓa: Ə́i, ə́ lon ga.

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Lukə 8:37

Nąąlɔwai, Ɉeraseni lɔi hu nuą kəlee di mo Jesus ɓa, diɛ mą: «Həɠə ɓɛ kuɔ lɔi hu.» Mąąhɔlɔɓo, nuą tii di ɲɔw kpɔ kɛnɛ̨. Jesus ə pənə ə tɛ gələn ɉu, yɛ li.

Lukə 9:19

Di nwoo ŋąąpənə diɛ mą: «Nu taɠaa da kɛ kɛi diɛ: ‹Ɉaan-Batistə ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Eli ɓaa a yɛ́.› Daɠaa diɛ kɛ nwɔ̨nɔ̨ diɛ: ‹Ə́ kaa a Yálá kwəi mɛ̨nį hukulɔ nuą wɔlɔ kɛ da, yii aa muhəɠə aa kulɔ haaɓɛlaa lɔwai.›»

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Ɉaan 4:19

Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 9:17

Di pənə nwɔ̨nɔ̨ diɛ ɲɛ̨ipumun ma: «Ɛlɛɛ yáán, ə́ kaa kɛi lə, nui ə́ ɲɛ̨i hvoloon, mąą mɛ̨nį hu?» Yɛ diɛ: «Yálá kwəi mɛ̨nį hukulɔ mun ni.»

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Galatə 1:24

ɛlɛɛ, diɛ Yálá hɛɠɛɛɓo mą́ą́ mɛ̨nį hu.

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.