Lukə 7:12 - Yálá laawoo hɛɓɛ (dc)

¹² Ɓɛlɔwai di kɛi kɛa tɛ la daai tii hu, di nu powa ta kaa laa ni, gbɛa-gbɛan ŋą diɛ li nooi. Nu powai tii, ə kɛ a kalanin ta lon ɉulɔnu kɔ́w tɔ̨nɔ̨ gbən. Nu kpulu kɛnɛ̨ɛ̨ ə kɛ nɛ̨ɛ̨nui tii pulu, diɛ li nu powai tii looi.

Yálá laawoo hɛɓɛ

¹² Ɓɛlɔwai di kɛi kɛa tɛ la daai tii hu, di nu powa ta kaa laa ni, gbɛa-gbɛan ŋą diɛ li nooi. Nu powai tii, ə kɛ a kalanin ta lon ɉulɔnu kɔ́w tɔ̨nɔ̨ gbən. Nu kpulu kɛnɛ̨ɛ̨ ə kɛ nɛ̨ɛ̨nui tii pulu, diɛ li nu powai tii looi.

Bible

¹² Gɛɛ a lɛɣɛ kɛ̀ daai ma galai lai, e núu-poma kaa, dí kɛ̀ kula la daai su. Ǹyaa nɔ ƃe kɛ̀ a ǹee ŋɔlóŋ-surɔŋ tɔnɔ. Nɛnîi e kɛ̀ a pɔɔ-nɛni. Daai su kpɔŋ kɛ́tɛ e kɛ̀ gɔlɛ.

Lukə 7:12 Iomraidhean Croise

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Samia Veerɛi 14:7

Yili ɓa, gwəlii nuą kəlee daa pɛlɛ ə́ wɔ tí nɛ̨ɛ̨nui ɓa, diɛ mą: ‹Nui nąn non baa, gulɔ ku baa a mɛlan baai tii ə mo gwələ kulɔ, ə lɛɛ, a kɛ tii, di nąn gwɛlin ɉəɠə mun hva kɛa lɛɛ.› Nwɔ̨n dəŋąi aa lɛɛ ɲə́i, diɛ di ya pu ŋą, diɛ di ɉílɛ laa kpɛɛ ɓɛ yɛnɛ̨ɛ̨.»

Tɔɔɓɛlaa dɔlɔɔ 17:12

Nɛ̨ɛ̨nui yɛ Eli ɓa: «A tɛ̨ą, yɛ bələi Yai-Laa kaa la vulú! Lɛɠɛ hvo ɲə́i! Lɛɠɛ hunwɔ logolo tiikpə ɓə ɲə́i nəɠi kpon ŋą, ɛlɛɛ wulɔ logolo tiikpə ɓə ɲə́i múluun ɉu. Yili nwɔ kwɛi wolo lɔ ka ŋɛ̨i ŋą́ kɛi gwɛli, ŋą́ li, ŋą́ ɲili, kwa nón kwa mįi kɛa, kuɔ haa mąą kpɔn.»

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Tɔɔɓɛlaa dɔlɔɔ 17:23

Eli ə gbəŋə, ə kulɔ la nwɛ̨ą pɛlɛ́ mu, ə yɛɛ la ɓɛi nee ə kɛ laa, ə dɛɛ nee pɔ, yɛ mą: «Ə́i! Ə́ lon vulú mąą ka.»

Tɔɔɓɛlaa dɔlɔɔ 17:9

«'Ə́ muhəɠə, li Sarɛpta Sidɔn lɔi hu, ə́ lɛɛ laa; ŋą́ą́ kalanin da tí, yɛ ə́ kɔ̨nɔ̨n gɛ.»

Tɔɔɓɛlaa veelɛ 4:16

Elise yɛ mą: «Gwɛlan ŋɛ̨i pai, ɓɛlɔwai, lon ɉulɔnu a kɛ laani ə́ yee kɔ̨nwɔ̨n ɉu.» Nɛ̨ɛ̨nui yɛ mą: «Nwɔ́ mɛ̨nį nąmu, Yálá nwɔ nu, mąą hvo nɛ̨ɛ̨li ə́ lɛɛ kɛ yɛ́ luwɔ-nɛ̨ą ɓa.»

Tɔɔɓɛlaa veelɛ 4:20

Góló kɛ mun ə li a nokoloi ə dɛɛ nee pɔ. Nokoloi ə lɛɛ laani nee yee kɔ̨nwɔ̨n ɉu, ə lɛɛ ɉu hvóló ə haɠa, nokoloi ə haa.

Zôo 29:13

Nuąi kɛ di haa kɔ́wɔ ŋą, di kɛi lúwɔ́ too mą́ą́. Ɛlɛɛ, ŋį́ ɓo a kalaninŋaa di wɔ kwəinɛ̨ɛ̨.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Lukə 7:11

Jesus ə həɠə laa ə li taa ta hu, yii da kɛ nąą laa ɓa: Nain, nwɔ kalan nɛai da nu kpulu kɛnɛ̨ di lɛɛ bulu, da diɛni diɛ li.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Lukə 8:42

mąąhɔlɔɓo, ɉulɔnui tii, non nɛ̨ɛ̨nu tɔ̨nɔ̨ gbən ə kɛ laa, gaa kwɛlan ə kɛ lɔ pow kɔ́w hveelɛ ɲɔ̨n ə kɛ mą, ɉaa lii yɛ tɛ la.» Ɓɛlɔwai kɛa Jesus ə kɛi li la ɉulɔnui tii yəi bɛlɛ́ laaləi, nu kpulu kɛnɛ̨ tinɛ̨n ŋąąi kɛ mą, diɛ vana di kee lɔwai.

Lukə 8:52

Nuą tii kɛ laa bɛlɛ́n, di kɛi wɔlɔ diɛ di woolaa nokoloi tii mąą mɛ̨nį ɓa. Jesus ə mo diɛ, yɛ diɛ: «Ka hvo wɔlɔ, hvo haa li, gaa yii.»

Ɉaan 11:19

Ɉuifəɠaa tamąą di pa Martə da Mari di pɔ, ə gɛ, di di liilaa di mąąhulɔnu haa mɛ̨nį ɓa.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.