Lukə 6:8 - Yálá laawoo hɛɓɛ (dc)

⁸ Kɛlaa, Jesus ə kɛ di wɔ kiliŋąhiɛ kɔ́lɔn. Ɉulɔnui tii kɛ ɲee kpalaa ma, Jesus ə mo mą yɛ mą: «'Pa ə́ tɔɔ ɓɛ nu kəlee ɲɛ̨i ɓa.» Ɉulɔnui tii ə muhəɠə ə tɔɔ nu kəlee di gaa.

Yálá laawoo hɛɓɛ

⁸ Kɛlaa, Jesus ə kɛ di wɔ kiliŋąhiɛ kɔ́lɔn. Ɉulɔnui tii kɛ ɲee kpalaa ma, Jesus ə mo mą yɛ mą: «'Pa ə́ tɔɔ ɓɛ nu kəlee ɲɛ̨i ɓa.» Ɉulɔnui tii ə muhəɠə ə tɔɔ nu kəlee di gaa.

Bible

⁸ Kɛ́lɛ, e díkili-ŋa-siai kɔlɔŋ. E mò nalôŋ yée saá mai ma, ǹyɛɛi, “Ímu siɣe í tɔɔ ǹûai sama.” Nya ƃe e m̀u sìɣe e tɔɔ.

Lukə 6:8 Iomraidhean Croise

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Zôo 42:2

Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Markə 3:3

Ɉulɔnu tii kɛ ɲee kpalaa ma Jesus ə mo mą, yɛ mą: «Ə muhəɠə ə́ tɔɔ ɓɛi ŋɛ̨i, nu kəlee ɲɛ̨i ɓa.»

Lukə 13:12

Gaai Jesus ə mo, ə də li, yɛ mą: «Nɛ̨ɛ̨nu! Ə wɔ ɲɔ̨n aa kpɛɛ ə́ kɔ́lɔi ə pono.»

Lukə 5:22

Jesus ə di wɔ kiliŋąhiɛi tii kaa, ə mo diɛ yɛ diɛ: «Lə mɛ̨nį ɓa ka wɔ kiliŋąhiɛ kɛ pələ kaa tii?

Lukə 6:9

Yili pulu Jesus ə mo tɔ́n galamɔɔɠaa da Farisiɛ̨ɠaa diɛ, yɛ diɛ: «Gáá ka mąąni kɛi, akɛti guɔ tɔ́n yɛ lə? Akɛti, yɛ gu mɛ̨nį lɛlɛɛ kɛ a háákələi yələ, a wala kɛti gu mɛ̨nį ɲɔ̨n gɛ? Gu nuą nwun mąąɓo, a wala kɛti gu di nwun na pili?»

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 9:4

Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 26:26

Dɔɔmun ŋɛ̨i gáá nwóó hukulɔi mą, giliŋą ponɔɔi mɛ̨nįɠaa ti kəlee hu, ɛlɛɛ gíli kaa ɉu gɛ́ da hvo loo li mą. Mąąhɔlɔɓo da hvo kɛ kpinįn ɉu, da hvo nwɔ̨nɔ̨ kɛ kpowəi.

Filipə 1:28

'ká hvo nɛɛ laa ka yowoɠaa di hvo ka mąą ɲɔw mɛ̨nį ta hu, yili a di kili pu ɉu, diɛ, di kaa nwun na pili pələ mɛ̨i, kɛlaa ka wɛi, ə ɓo a ɓalo pələ. Yili a həɠə Yálá pɔ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.