Lukə 6:30 - Yálá laawoo hɛɓɛ (dc)

³⁰ Nui lɔpee a hɛn da hvɛli yɛ́, dɛɛ bɔ. Nu a ə́ yəi hɛn ɉəɠə, hvo gulɔ ɲəi.

Yálá laawoo hɛɓɛ

³⁰ Nui lɔpee a hɛn da hvɛli yɛ́, dɛɛ bɔ. Nu a ə́ yəi hɛn ɉəɠə, hvo gulɔ ɲəi.

Bible

³⁰ Sɛŋ núu kélee a káfɛ̀li mai, ka dɛɛ bɔ. Ǹúui a kasãâi sìɣei, káfe m̀arê kɛ̀ a gɛɛ e dɛɛ pôlu ŋɔ́nɔ.

Lukə 6:30 Iomraidhean Croise

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 21:26

A kɛ lɔ ɲɛ̨i kulɔi hɛnŋąą pɔ a yələ kəlee. Tələnmomun a kɔ́ɓo kɛ hva bulu kaa.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Ikilisiati 8:16

Bələi nu a tɛɛ la yɛ kɛ a kilimąą mun, ŋą́ą́ nį́í lɔ yili kwɛliɛ hu, ə gɛ, ŋą́ gbaɠala kaa. Ɛlɛɛ, mɛ̨nįi kpɔ nu lonnii yee kaa mą lɔi mɛ̨i, ə gɛ, ŋį́ gaa ŋį́ mąąkpɛɛ. Mąąhɔlɔɓo, ŋą́ą́ gaa, yɛ ə kɛ a kpinį yɛ ə kɛ a hvóló, nu lonnii di yíi, di lɔ a di ɲɛ̨i.

Maafîu 18:35

Jesus ə mo kɛa nwɔ kalan nɛ̨ąi diɛ yɛ diɛ: «Pələ kpɔlɔɔ ɓə Ną́n Yálá yii gaa yələkɔlɔn ɉu a gɛ la a kaa, akɛ ka wala ka kee ni mąąhvaalɛɛ a ka lii kəlee.»

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Lukə 6:29

Nu a ə́ wəli tɔ̨nɔ̨ lɔwa, dɔ̨nɔ̨i tii tinɛ̨n ə nowa. Nu ta a too ə́ mɛ̨i, yɛ ə́ ə́ wɔ gbaawii həɠə, mu həɠə pɛlɛ mą ə́ dɛɛ bɔ.

Lukə 6:31

Mɛ̨nįi yɛ nuą di gɛ yɛ, gbɛa yili ɲɔ̨nwɔ̨mąn gɛ diɛ.

Lukə 6:38

Ka ka ɓɛlaa mąą kpaan gbɛɛ, Yálá a ka mąą kpaan gbɛɛ; gaa pai gɔwɔn ɉi ə mąą kpɛŋɛn ə gboloton dɔɔ, ə bu ka yəi ɉəɠə kpɔlɔ hu. Pələi lɔ ka káá mɛ̨inɛ̨ɛ̨ kɔ́ɔn ɉi la, kaa dɛɛ nuą pɔ, bələ kpɔlɔ ɓə Yálá kaa pai gɔwɔn ɉi la, yɛ dɛɛ ka pɔ.»

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.