Lukə 5:17 - Yálá laawoo hɛɓɛ (dc)

¹⁷ Yələ ta, Jesus ə kɛi nuą kalan, Farisiɛ̨ɠaa da tɔ́n galamɔ̨ɔ̨ɠaa di həɠə Ɉude lɔi taa taɠaa hu, da Galile lɔi taa taɠaa, ə mą kɛ Ɉerusalɛmə; di pa di hee Jesus kwɛlɛ, Ną́mu Yálá nwɔ huwalawala ə kɛ Jesus mɛ̨i, yɛ ɲɔ̨n gɛ nuą kɔ́lɔi pono.

Yálá laawoo hɛɓɛ

¹⁷ Yələ ta, Jesus ə kɛi nuą kalan, Farisiɛ̨ɠaa da tɔ́n galamɔ̨ɔ̨ɠaa di həɠə Ɉude lɔi taa taɠaa hu, da Galile lɔi taa taɠaa, ə mą kɛ Ɉerusalɛmə; di pa di hee Jesus kwɛlɛ, Ną́mu Yálá nwɔ huwalawala ə kɛ Jesus mɛ̨i, yɛ ɲɔ̨n gɛ nuą kɔ́lɔi pono.

Bible

¹⁷ Nya ƃe e kɛ̀ ti, ŋele-ŋai ti dɔnɔ e kɛ̀ Ɣâla-woo lɛ̂i la, Faresii-ŋai da dɔ̂ŋ-lɛ-ƃelai dí kɛ̀ see ni gɔlɛ, nyii-ŋai kùla daa-ŋai kélee su Galalii-lɔii ma, bɛlɛɛ Zuda-lɔii ma, da Zerusâlɛŋ; Kúnuu-namui ŋɔwala-walai e kɛ̀ m̀ɛi a gɛɛ e díƃalo.

Lukə 5:17 Iomraidhean Croise

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 15:1

Farisiɛ̨ɠaa da tɔ́n galamɔ̨ɔ̨ɠaa di həɠə Ɉerusalɛmə di pa di Jesus kaa, di mąąni kɛ diɛ mą:

Markə 1:45

Kɛlaa, ɉulɔnu tii ə li ə mɛ̨nį tii hukulɔ kɛɛnąą kəlee ɓa. Yili ɓə gɛ, nuą diɛ həɠə kɛɛnąą kəlee diɛ pa bɔ.

Markə 16:18

Di kaa pai kɛi kaaləɠaa hon ɉi a di yee, ə mą kɛ daa pili mąą hɛn da kpələ, hva hɛn da kɛ a diɛ; da di yee laa ɲɔ̨n gɛ nuą mɛ̨i, di kɔ́lɔi a pono.»

Markə 3:22

Dɔ́n galamɔ̨ɔ̨ɠaa ŋɛ̨i hɛɠɛ Ɉerusalɛmə daai, di pa, di mo diɛ diɛ: «Beɛlzebulə ɓə bulu!» Ɛlɛɛ: «Ɲįnɛ̨nŋąą nwun nąmu ɓə ɉuwalawala ŋɛ̨i tɛɛi bɔ yɛ ɲinɛ̨nŋąą kpɛ la nuą pulu.»

Markə 5:30

Jesus ə gili kɔ́lɔn yɛ huwalawala taa aa kulɔ ɉu. Ə tinɛ̨n ə ɲɛ̨i hee bulu pələ yɛ diɛ: «Gbɛɛ ɓə ɲee hee nwɔ́ həɠəi ɓa?»

Markə 7:1

Farisiɛ̨ɠaa da tɔ́n galamɔ̨ɔ̨ taɠaa, diɛ ŋɛ̨i həɠə Ɉerusalɛmə daai di di ŋąąkpɔn, di pa Jesus kwɛlɛ.

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Lukə 2:46

Voló haaɓa yələ, də li di gaa Yálá hee pɛlɛ́ mu, ɉiɛ Ɉuifə kalamɔ̨ɔ̨ɠaa lɔwai, nwəli tɔɔ di woo ɓa, ɛlɛɛ, yɛ di mąąni kɛ.

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Lukə 5:30

Farisiɛ̨ɠaa da tɔ́n galamɔ̨ɔ̨ɠaa, di piliɛ kɛ di kee mɛ̨i kɛɛnąą tɔ̨nɔ̨ ɓa. Jesus kaa tii di mo da nuą tii di heɛɛ kɛɛnąą tɔ̨nɔ̨, yili hvo nɛɛ diɛ. Di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka ka kalamɔ̨ɔ̨ ni, ka káá kɔ̨nɔ̨n mįi kɛɛnąą tɔ̨nɔ̨ ka nįįhɔ̨nwɔ̨ kulɔ nuą, ə mą kɛ túwɔ́ pələ ɲɔ̨n gɛ nuą?»

Lukə 6:19

Nu kəlee di kɛ bɔ di di yee pɛlɛ Jesus ɓa, mąąhɔlɔɓo, huwalawala ta ə kɛi kulɔ ɉu yɛ di kɔ́lɔi pono.

Lukə 7:30

Kɛlaa, Farisiɛ̨ɠaa, da tɔ́n galamɔ̨ɔ̨ɠaa, yii Yálá ə kɛ bɔ di gɛ, di hvo yili kɛ, ya ɓə gɛ, di hvo hvaa mą Ɉaan hvo di mąąwaa.

Lukə 8:46

Kɛlaa, Jesus ə pənə ə mo yɛ diɛ: «Nu ta a ɲee hee mą́ą́. Mąąhɔlɔɓo, huwalawala ta aa kulɔ ɉú, ŋą́ą́ gili kɔ́lɔn.»

Ɉaan 3:10

Jesus ə nwoo pulu pənə yɛ mą: «Israɛlə lɔi hu ɓɛ, yɛ́ ɓə a mąąkwɛli kɛmun kɛnɛ̨, ya ɓə hvo yili kpaɠala kɔ́lɔn?

Ɉaan 3:21

Kɛlaa, nui a mɛ̨nį kɛ a tɛ̨ą, a kulɔ la pono ŋą, ə gɛ, nu kəlee di gaa, diɛ mą: aa Yálá woo hon, mąą túwɔ́ pələɠaa ka.»

Gɛlaɠaa 19:11

Yálá ə kɛi kpalo mɛ̨nį tamąą kɛ a Polə yee.

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Gɛlaɠaa 5:34

Kɛlaa, nu tɔ̨nɔ̨ ə muhəɠə nwun dɔɔ hu, ə kɛ a Farisiɛ̨, naa ɓa: Gamaliɛlə, ə kɛ a tɔ́n galamɔ̨ɔ̨ kɛnɛ̨, mɛlɛ ə ɓo nɔi lonnii kəlee kwəi, ə mo, di gɛlaɠaa kulɔ woloɓo ɲɛnɛ̨ɛ̨.