Lukə 4:29 - Yálá laawoo hɛɓɛ (dc)

²⁹ Nuą tii gəlee di di muhəɠə, di wolo Jesus ɓa, di ɉon də li la daa pulu ɓoloon gɛnɛ̨ ta la, diɛ kɛ di bili moloon ɉu.

Yálá laawoo hɛɓɛ

²⁹ Nuą tii gəlee di di muhəɠə, di wolo Jesus ɓa, di ɉon də li la daa pulu ɓoloon gɛnɛ̨ ta la, diɛ kɛ di bili moloon ɉu.

Bible

²⁹ Dí dímu sìɣe dí gbɛ daai su, dí li la ǹyéei tôŋ su botoi mɛi, ƃɛi dítaai e kɛ̀ a dɔɔ naai, a gɛɛ dí bili e pîlaŋ a dôŋ.

Lukə 4:29 Iomraidhean Croise

Kɔlɔnikɔ Veerɛi 25:12

Ɉuda nuą di nu waa pow hon a vúlu, di tɛ a diɛ gwɛni yee tonna, diɛ di pili ɲee kɔ́wɔ la, diɛ di huyali-yali.

Mąątɛ̨nɛ̨ 37:14

Nu ɲɔ̨nwɔ̨ɔ̨ɠaa daa ɓɔwa kwɛa kulɔ daa hu, daa gilɛn ɲala ɉu, mąąwɛlimun da yeehowolomun di paa mɛ̨nį ɓa; nui hiɛi a ɉaŋąą nwun dee mɛ̨nį ɓa.

Lonon mo 15:35

Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Lukə 4:28

Nuą kpɔ kɛ Yálá hvɛli pɛlɛ́i tii mu, gəlee líí ə holi Jesus pɔ ɓɛlɔwai di nwooɠaa tii mɛ̨n na.

Ɉaan 8:37

Ŋą́ gɔlɔn gbɔ gɛ́ diɛ: Abrahamə huwu ɓaa a kaa, kɛlaa, ka hvilɛn ŋąąi búlú báá mɛ̨nį ɓa; mąąhɔlɔɓo, nwóó wɛli hvo kaa.

Ɉaan 8:40

Kɛlaa, pələi mąn ŋą́ą́ tɛ̨ą ɓo la kaa, yii ŋą́ mɛ̨n Yálá la; ka hvilɛn ŋąąi lɔ búlú kaa ka báá. Abrahamə hvo kɛ túwɔ́ li tii.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Hebreu 13:12

Yili ɓə gɛ, Jesus yaa kpɛlimąn, di baa daa pulu pələ, ə gɛ, ə nuą mąąhəɠə a gbɔwɔ ɲąmą.