Lukə 4:22 - Yálá laawoo hɛɓɛ (dc)

²² Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Yálá laawoo hɛɓɛ

²² Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Bible

²² Díkelee dí ǹáa maa tɛ̂. Dípɛlɛ e pù e pìlaŋ mɛlɛ-see woo-ŋai dîa kùla ǹái. Nya ƃe dí mò, dîyɛɛi, “Zosɛ ǹóŋ fei ŋi?”

Lukə 4:22 Iomraidhean Croise

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Mąątɛ̨nɛ̨ 45:4

Ee kə! Kuláá kpəɠɛ! 'Kɔ-kɔ-ɓɔwa kpulɔn ə́ ləŋəi, ə́ mąąɲinɛ̨n ni, ə́ ɲɛ̨i pɔ̨nɔ̨ hɛn ni.

Hanwon 10:32

Tələnmomun vaa woo a nuą kwəinɛ̨ɛ̨, Kɛlaa, nwąnąlɔmun vaa woo a kpɔn daɠa.

Hanwon 16:21

Nui kili kaa mą, ya ɓə da kɛ mą nwun gɛ ɉumun. Woo ɲąąlaɠi ɓə a nu kili ta pɛlɛ mą.

Hanwon 25:11

Mɛ̨nį lɛlɛɛ ɓoɔ a moi lɔwai kaa yɛ hɛni kpuwulu, nwəli la laa a wali kwɛli.

Ikilisiati 10:12

Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Lukə 2:47

Nuą kpɔ kɛi Jesus nwɔ woo pulu pənə wooɠaa mɛ̨n, da gili pələɠaai ə kɛi mo, di kwəi ə pili kpɔ diɛ kɛnɛ̨.

Lukə 2:48

Ɓɛlɔwai Ɉosɛfə da Mari di gaa la, di kwəi ə pili diɛ; Mari ə mo Jesus ɓa yɛ mą: «Nón, lə mɛ̨nį ɓə ŋɛ̨i ə́ gɛ a kuɔi? Kwa ə́ nąn kwaa ə́ kwɛli kpɔ kɛnɛ̨.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 4:21

Nąąlɔwai, ə mo kɛa diɛ, yɛ diɛ: «Ɉɛɓɛ́ hu woo ŋɛ̨i ka mɛ̨n, nąą aa hvɛɛ kpɔlɔ háákələi yɛ pələi ka mɛ̨n na.»

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Ɉaan 6:42

Yili pulu diɛ di kee ɓa: kɛlɛi Ɉosɛfə lon məi; gu nee kɔ́lɔn gu nąn gɔlɔn! A həɠə pələ kɛ ləi yɛ kɛ diɛ: «Ŋą́ həɠə Yálá-taa?»

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.