Lukə 3:8 - Yálá laawoo hɛɓɛ (dc)

⁸ Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Yálá laawoo hɛɓɛ

⁸ Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Bible

⁸ Maa-mɛni ma, ka ǹɛɛ naa káƃa e kálii-penêi lɛ́. Káfe pɛ̀lɛ m̀óɔ ma kákpîŋ koi-pere, ‘Eberaɣɛ̃ɛ káa kúyêei a kúnâŋ,’ kpɛ́ni fêi, ŋá m̀ó kâa, Ɣâla a pɔ̂ri gɔni-ŋai ŋi kɛ̂i a Eberaɣɛ̃ɛ-lonii.

Lukə 3:8 Iomraidhean Croise

Nehemi 5:11

Háákələi, ka di wɔ tíiɠaai tɛɛ di pɔ, da di wɔ viɲə yɛɛɠaai di wɔ pɛlɛ́ɠaai. Ɛlɛɛ di wɔ waliɠaai, da nɔɔ nįnɛ̨, da wulɔɠaai ka gwələtɔɔ diɛ, ka dɛɛ di pɔ.»

Izikiɛ 33:24

«Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Lukə 13:26

«Nąąlɔwai, ka tɔɔ kɛa kaa kɛ mą: ‹Gwa kaa ni gu kɛi kɔ̨nɔ̨n mį́į́ gee ɓa, guɔ gu kpələ, ɛlɛɛ, yɛ́ kalan ku wɔɔ kwəli hɛ̨ąiɠaai ɓa.›

Lukə 14:9

A kɛ tii, nui ŋɛ̨i ka nu hveelɛ ka təli, a pa yɛ kɛ yɛ́: həɠə gbəlin ɲii ŋą, ə́ li ə́ hee pulu pələ ɓɛi tii. Nąąlɔwai, ya kɛi li heei pulu pələ, nwumɛ̨ a tɛ a yɛ́.

Lukə 19:40

Jesus yɛ diɛ: «Gáá moi kaa, da di laapilɛ, kwɛniɠaa ɓə pai hvaai.»

Lukə 19:9

Jesus yɛ diɛ: «Ɓalo mɛ̨nį aa həli bɛlɛ́i ŋɛ̨i ɓa háákələi, mąąhɔlɔɓo, ɉulɔnui ŋɛ̨i yaa kpɛli gaa a Abrahamə lon da.

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Lomaŋ 9:7

Abrahamə huwu hu nuą kəlee hvə a Abrahamə lonni leeleeɠaa. Mąąhɔlɔɓo, Yálá ə mo Abrahamə ɓa yɛ mą: Ə́ lón Isaakə lonni ɓə di kaa pai kɛi diɛ: Abrahamə lonnii.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.