Lukə 23:8 - Yálá laawoo hɛɓɛ (dc)

⁸ Ɓɛlɔwai Herodə ə Jesus kaa la, gwəi ə nɛɛ kpɔ kɛnɛ̨. Mąąhɔlɔɓo, aa kɛ Jesus mąą mɛ̨nį bələ mɛ̨n kpɔ a lɔwai hu kwɛaa, ə kɛ bɔ ə ɲɛ̨i tɔɔ mą. Ə kɛ Herodə kwəi, Jesus kaa pai kpalo mɛ̨nį ta kɛi ə gaa.

Yálá laawoo hɛɓɛ

⁸ Ɓɛlɔwai Herodə ə Jesus kaa la, gwəi ə nɛɛ kpɔ kɛnɛ̨. Mąąhɔlɔɓo, aa kɛ Jesus mąą mɛ̨nį bələ mɛ̨n kpɔ a lɔwai hu kwɛaa, ə kɛ bɔ ə ɲɛ̨i tɔɔ mą. Ə kɛ Herodə kwəi, Jesus kaa pai kpalo mɛ̨nį ta kɛi ə gaa.

Bible

⁸ Tãi Ɛɛlɔ e Zîsɛ kàa lai, ǹíi e kɛ̀ a nɛ̃ɛ a dámaa. Kpɛ́ni fêi, e kɛ̀ ŋ̀wɛ̂lii e gáa a tãi su kôya, berei e mɛni támaa mɛni la e pîlaŋ mai. Gíli e kɛ̀ ma a gɛɛ a pâi ŋɔmɛni-kpaya-kpaya kɛ́ɛ kâai.

Lukə 23:8 Iomraidhean Croise

Tɔɔɓɛlaa veelɛ 5:11

Naaman ə níiholi, ə tɛɛ yɛ li, yɛ mą: «Ə kɛ kpɛli gwə́i gaa pai kulɔi ə tɔɔ ɲəi bɛlɛ́ laaləi ə nwɔ Yálái Yai-Laa hvɛli, ɓɛɠaai ɲɔ̨n gaa laa, ə ɲee hiɛ nąąɠaa, ə volóɲɔ̨n ŋɛ̨i həɠə mą́ą́.

Maafîu 14:1

Nąąlɔwai Herodə ə kɛ Ɉude lɔi nwun na, ə Jesus mąą mɛ̨nį bələ mɛ̨n.

Markə 6:14

Nąąlɔwai, tɔɔmun Herodə ə Jesus mąą mɛ̨nį bələ mɛ̨n, mąąhɔlɔɓo, mąą tin ə too kɛɛnąą kəlee. Nu taɠaa di kɛli kɛ diɛ: «Ɉaan-Batistə ka tii aa nwun aa kulɔ haa yəi, mɛ̨nį gɛi kpalo mɛ̨nį kɛɛ nwɔ huwalawala kaa la ɲei yaa li.»

Markə 8:34

Jesus ə nu kpului tii ŋąąkpɔn da nwɔ kalan nɛai, yɛ diɛ: «Nui gaa bɔ ə hvilɛn búlú, hvo kɛli ə gbɔwɔ haa wulu həɠə ə hvilɛn na búlú.

Lukə 4:23

Jesus ə mo diɛ, yɛ diɛ: «A tɛ̨ą, ka káá pai ɉanwon ŋɛ̨i hɔɔi mą́ą́ mɛ̨nį hu, kaa kɛ mą: ‹Yɔwɔtɔlɔ, ə́ kpɔɔ hali kɛ yɛ́ kpinįi.› Ka káá nwɔ̨nɔ̨ pai kɛi mą́ą́: ‹mɛ̨niɠaai ə́ gɛ Kafarnaumə daai, kwaa yiliɠaai kəlee bələ mɛ̨n, yili ɲɔ̨nwɔ̨mąn gɛ tii ə́ kpɔ-kpɔɔ taa ŋɛ̨i hu ɓɛ.›»

Gɛlaɠaa 8:19

yɛ diɛ: «Ɲą́ą́ gbɛlimąn, 'ká ɉuwalawalai ti ta tɛɛ bɔ́, ə gɛ, nui ŋą́ ɲéé pɛlɛ mɛ̨i, ə Kili-Mąąhəɠɛɛ hɔlɔɓo.»