Lukə 23:41 - Yálá laawoo hɛɓɛ (dc)

⁴¹ mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»

Yálá laawoo hɛɓɛ

⁴¹ mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»

Bible

⁴¹ Zã́âi kúmɛni ma; kpɛ́ni fêi, kúkaa kúsɔŋ ŋɔfela-fei sɔlɔ ƃôi; kɛ́lɛ, nalôŋ ŋi fé mɛni nyɔ́mɔɔ da kɛ́ ni.”

Lukə 23:41 Iomraidhean Croise

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Nehemi 9:3

Di di muhəɠə, di lɛɛ tɔɔni, di Yai-Laa di wɔ Yálái nwɔ tɔ́n ɉɛɓɛ́i hu woo ɓo diɛ, ə həɠə yələwala pɔ, ə həli la nįŋɛ̨ lon bɛlɛi lɔwai ɓa. Ə həɠə nɔwai tii ɓa, ə həli la hvóló tɛɛ nwun ma ɓa, di pɛlɛɛ Yai-Laa di wɔ Yálá lííla, diɛ hvaa di kɛ nɛ̨ŋɛ̨n ma.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Lukə 23:40

Kɛlaa, mɛ̨nį ɲɔ̨n gɛ mun ŋɛ̨i kɛ ɲee lɛlɛɛ hu, ə haŋą mɛlan ma, yɛ mą: «Akɛti hva ɲɔw Yálá ɓa? Ə́ kɛ hɔn ga ŋɛ̨i ə́ kaa mąą mɔ̨nɔ̨ mįi,

Lukə 23:42

Nui tii ə tinɛ̨n ə mo Jesus ɓa, yɛ mą: «Ɓɛlɔwai ə́ kaa pai pənəi ə́ paa la yɛ́ ɓo a tɔɔmun, ə́ kili lɛɛ ɉú nąąlɔwai.»

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Zĩi 4:7

Ká ká kpɔwɔ mąąyɛɛ kani Yálá yee mu, ká tɔɔ nąnį la a ká hvaŋą, a pu, ə mąą kwɛaa káá.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;