Lukə 22:42 - Yálá laawoo hɛɓɛ (dc)

⁴² Yɛ kɛ mą: «Nąn! Yá hvaa mą, mɔ̨nɔ̨ taaləi ŋɛ̨i ə hvóló mą́ą́; kɛlaa, hvo kɛ a nííɓa, ə lɛɛ Ə́ nwɛi ɓa!»

Yálá laawoo hɛɓɛ

⁴² Yɛ kɛ mą: «Nąn! Yá hvaa mą, mɔ̨nɔ̨ taaləi ŋɛ̨i ə hvóló mą́ą́; kɛlaa, hvo kɛ a nííɓa, ə lɛɛ Ə́ nwɛi ɓa!»

Bible

⁴² ǹyɛɛi, “Ńâŋ, à kɛ̀ ífaâi ma, gbele-kɔɛi ŋi kúla ńyêei; é máŋ kɛ́ ti, ǹîa-mɛni fei, kɛ́lɛ, ínîa-mɛni é kɛ́.” [

Lukə 22:42 Iomraidhean Croise

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 11:26

Oowei, Ną́n, gáá ə́ mąątɛ̨nɛ̨i yili hu, mąąhɔlɔɓo, yili ɓə kɛ a ə́ liiɓa.

Maafîu 20:22

Jesus ə nwoo ŋąąpənə yɛ mą: «Yii ka káá vɛɛli ka hvo gɔlɔn. Mɔ̨nɔ̨i gáá pai mįi ka pɛli ka mįi?»

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Maafîu 26:44

Ə li nwɔ̨nɔ̨ a ɉaaɓa nąą, ə Yálá hvɛli lɔ yɛ pələi tii ə dɔlɔɔɠaa kɛ la.

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Markə 14:36

Ə kɛi kɛ mą: «Éé Ną́n Yálá! Ə́ wɛi ə́ yee a pɛli mɛ̨nį kəlee ɓa, mɔ̨nɔ̨ kɛnɛ̨i ŋɛ̨i mąą kwɛa mą́ą́; kɛlaa, mɛ̨nį kəlee ə mą kɛ, və́ kɛ li ə́ nííɓa kɛ. Kɛlaa, ə́ liiɓa ɓə mąąnɛ̨ɛ̨ ə́ kɛ́.»

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Gɛlaɠaa 21:14

Yii kɛa ku laa hvo lɔ ma, ku hvo kɛa nɛ̨ɛ̨mąą hvə mą yili pulu ku kɛ lɔ kɛa mą: «Ną́mu liiɓa ə kɛ.»