Lukə 21:17 - Yálá laawoo hɛɓɛ (dc)

¹⁷ Ka wɛli kaa pai kpɛɛi nu kəlee ɓa, náá mąą mɛ̨nį ɓa.

Yálá laawoo hɛɓɛ

¹⁷ Ka wɛli kaa pai kpɛɛi nu kəlee ɓa, náá mąą mɛ̨nį ɓa.

Bible

¹⁷ A kɛ̀ ti, ǹûai kélee da pâi kákpɔarâi ńaai mɛni ma.

Lukə 21:17 Iomraidhean Croise

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Markə 13:13

Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa, kɛlaa, nui a tɔɔ kpaan ə lɛɛ ɉu ŋąąkpɛɛi lɔwai, mąą nui nwun mąą a ɓo.»

Lukə 21:16

Ka káá nuą, ka kaayɔwɔɠąa ə mą kɛ ka ɓɛlaa, di kaa pai kɛi ka tɛŋɛn gwɛlɛi. Di kaa pai nu tamąą paai ka lɔwai.

Lukə 21:18

Kɛlaa, ə mą kɛ ka nwun-nəɠa kɔ́w tɔ̨nɔ̨ kpɛli hva pili ɉu.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.