Lukə 2:4 - Yálá laawoo hɛɓɛ (dc)

⁴ Ɉosɛfə ə həɠə Nazarɛtə daai Galile lɔi hu, yɛ li Bɛtleɛmə daai Ɉude lɔi hu, Davidə pɔ taai. Mąąhɔlɔɓo, Ɉosɛfə ə kɛ a Davidə yəi bɛlɛ́n mun da, də li, əgɛ, di di lono.

Yálá laawoo hɛɓɛ

⁴ Ɉosɛfə ə həɠə Nazarɛtə daai Galile lɔi hu, yɛ li Bɛtleɛmə daai Ɉude lɔi hu, Davidə pɔ taai. Mąąhɔlɔɓo, Ɉosɛfə ə kɛ a Davidə yəi bɛlɛ́n mun da, də li, əgɛ, di di lono.

Bible

⁴ Zosɛ máŋ e kùla Nâzarɛ Galalii-lɔii su, e li Deeƃé ŋɔtaai su da dòli a Bɛpeleɣɛ̃ɛ, Zuda-lɔii sui, kpɛ́ni fêi, è kɛ̀ a Deeƃé ŋɔpɛ́rɛi-mu-nuu da, gɛ ƃo ŋɔnɔ a ŋɔkaayɔ da,

Lukə 2:4 Iomraidhean Croise

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Zɛnɛse 48:7

Ɓɛlɔwai ŋį́ həɠə la nɛ̨ŋɛ̨ lɔi hu, gɛ́ pa, Rasɛlə ə haa ɲə́i bələ pɔ Kanaan lɔi hu, gɛɛ və́ həli Ɛfrata. Naa ɓə ŋį́ noo laa Ɛfrata bələ pɔ, yai a Bɛtleɛmə.»

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Lukə 2:3

Nu kəlee ə kɛi li bɔ taai diɛ nono.

Lukə 2:5

Ɉosɛfə nwɔ wɛlii Mari, koo kɛnɛ̨i kɛa kɛ.

Lukə 4:16

Jesus ə li Nazarɛtə daai ɓɛi ə nokolo laa kɛ laa. Hvįįtɔɔ yələ ta ə lɔ di wɔ Yálá hvɛli pɛlɛ́ mu, di Yálá laawoo hɛɓɛ́ həɠə di dɛɛ bɔ, ə muhəɠə ə tɔɔ, ɉɛɓɛ́ ɓo mɛ̨nį ɓa.

Ɉaan 1:46

Natanaɛlə yɛ mą: «Mɛ̨nį lɛlɛɛ ta a pɛli kulɔi Nazarɛtə daai?» Filipə ə nwoo pulu pənə yɛ mą: «Pa lɔ ə kaa pai gaai.»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Rutə 1:19

Di nu hveelɛi di lɛɛ di kee pɔ diɛ li Bɛtleɛmə daai. Daai nuą kəlee kwəi ə pili diɛ di mąą mɛ̨nį ɓa, nɛ̨ą kəlee diɛ mą: «Ə́í! A kɛ tii Naomi li?»

Rutə 2:4

Nąąlɔwai, ɉu hvo kpɛli kwɛa, Boozə ə həɠə Bɛtleɛmə, ə pa ɲəi ɲɛa. Ə nwoo pili gbai tee nuą diɛ, yɛ diɛ: «Yai-Laa ə kɛ ka pɔ!» «Diɛ kpɛli diɛ mą: Yai-Laa ə lúwɔ́ too yɛ́.»

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Rutə 4:17

Naomi mɛlaa nɛ̨ąą di kɛi kɛ mą: «Naomi aa lon ɉulɔnu hɔlɔɓo.» Nɛ̨ąą tii di nokoloi tii laa hee a: Ovɛdə. Ovɛdə tii ɓə kɛ a Ɉɛse nąn, Ɉɛse yɛ ɓo a tɔɔmun Davidə nąn.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Samuɛlə dɔlɔɔ 17:12

Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Samuɛlə dɔlɔɔ 17:58

Saulə yɛ mą: «Nón! Gbɛɛ lon maa a yɛ́?» Davidə yɛ mą: «Ə́ nwɔ tí mun Ɉɛse, Bɛtleɛmə daai mun lon maa a ɲą́ą́.»

Samuɛlə dɔlɔɔ 20:6

Ə́ nąn a gbaɠala kaa yɛ kɛ və́ laa, kɛ mą: ‹Davidə ə ɉuhvɛli kpɔ a nwalawalaa, yɛ kɛ di nɛɛ laa ə li, ə kulɔ bɔ taai Bɛtleɛmə, mąąhɔlɔɓo, di kaa kwɛlan maa haláá kulɔi di ɲəi gwəlii.›