Lukə 2:13 - Yálá laawoo hɛɓɛ (dc)

¹³ Ɲąąɓa kpɔlɔ tii, malaka kpulu kɛnɛ̨ ə yɛɛ diɛ Yálá mąąwiɛ diɛ kɛ mą:

Yálá laawoo hɛɓɛ

¹³ Ɲąąɓa kpɔlɔ tii, malaka kpulu kɛnɛ̨ ə yɛɛ diɛ Yálá mąąwiɛ diɛ kɛ mą:

Bible

¹³ A ǹaa maa félaa kpɔ́ Ɣâla-taa-kela kpɔŋ kɛ́tɛ e pà Ŋ̀âla-taa-kelai pɔ, díkɛ Ɣâla láa maa tɛ, dîyɛɛi,

Lukə 2:13 Iomraidhean Croise

Zɛnɛse 28:12

Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Zôo 38:7

Ɓɛlɔwai yələ ɓɔi bɛmɛ̨lɛ̨n-gɔwɠaa di kɛi wələ too la, ɛlɛɛ, Yálá nwɔ malakaɠaa diɛ tomą a wələ.

Mąątɛ̨nɛ̨ 148:2

Kaai ɓaa a nwɔ malakaɠaa! 'Ka mąątɛ̨nɛ̨! Kaai a nwɔ kɔlaɠaɠaa kəlee! 'Ka mąątɛ̨nɛ̨.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Izikiɛ 3:12

Nąąlɔwai Yálá nwɔ Kilii ə gbə́ŋə; ɛlɛɛ ŋą́ tomą wóó kɛnɛ̨ ta mɛ̨n búlu pələ, woo kɛnɛ̨ ta yɛ mą́ą́: «Mąąwiɛ ə kɛ Yai-Laa kɛnɛ̨ pələ ɓa ɓɛi gaa laa!»

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 2:12

Ka tɛ taai, bələi ka gɔlɔn na, bələ ka: ka káá li lokolo ta kaai mąą kpinįn gɛɛ a həɠə, naa taatɛlɛɛɠaa mį́i hɛn ɲąŋą hu.»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.