Lukə 19:27 - Yálá laawoo hɛɓɛ (dc)

²⁷ Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Yálá laawoo hɛɓɛ

²⁷ Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Bible

²⁷ Kɛ́lɛ, diai a ŋ́gbɔara-ƃelai dífe kɛ́ ni ŋ̀wɛ̂lii a gɛɛ ŋa kɛ́ dímɛi, ka pá a dîa, ka dípaa ŋ́ɛi.’ ”

Lukə 19:27 Iomraidhean Croise

Samia Veerɛi 23:7

Nui gaa bɔ ə lɛɠɛ ma, a kwɛli taɠan ɉəɠə, ə gbɔn na gee ɓa, di gələn gbɔlɔɔ ɓɛi tii da kɛ laa.

Mąątɛ̨nɛ̨ 109:20

Bələ ɓə Yai-Laa kaa pai gálámąɓo nuą tii hon ɉii la, da nuąi da kɛ mɛ̨nį ɲɔ̨n moi a náá.

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Lukə 20:16

A pa, a nuą tii kəlee paa, ə ɉihɛn galihvaɓo nu takpɛliɠaa diɛ.» Nwoo tii mɛ̨n di mo, diɛ mą: «Ɲɔ̨nwɔ̨ɔ̨ ə hvóló!»

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Hebreu 10:13

Gaa heeni laa, yɛ nąą mąąkpɔn, ə gɛ, di ɲɔwɔɔɠaa pɛlɛ gɔwɔ mu yɛ haɠa.

Samuɛlə dɔlɔɔ 11:12

Israɛlə nuą diɛ Samuɛlə ɓa: «Gbɛɛ nuą ɓə yələ kɛi kɛ diɛ: ‹Saulə ɓə mɔ̨ɔ̨ pai heei ku mɛ̨i a tɔɔmun?› Ka mąą nuą tii tɛɛ ku pɔ, ku di paa.»