Lukə 18:30 - Yálá laawoo hɛɓɛ (dc)

³⁰ a bɔɔi hɔlɔɓɔ a gbulu kɛnɛ̨ɛ̨ tinąą Yálá yəi.»

Yálá laawoo hɛɓɛ

³⁰ a bɔɔi hɔlɔɓɔ a gbulu kɛnɛ̨ɛ̨ tinąą Yálá yəi.»

Bible

³⁰ nyii ve pâi dámaa-ɣele sɔlɔ ƃôi tãi ŋi su, da wɔlɔ-wɔlɔ fulu-laai tuɛ-pere-ɣeniɛi sui.”

Lukə 18:30 Iomraidhean Croise

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Mąątɛ̨nɛ̨ 37:16

Ɉɛn goloi tələnmomun ɲəi, vialaɓɔɔ tɛɛ nɛ̨ŋɛ̨n ɉəɠə nuą du wɔ hɛn gɔwi ɓa.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Timote dɔlɔɔ 6:6

A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.