Lukə 18:22 - Yálá laawoo hɛɓɛ (dc)

²² Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Yálá laawoo hɛɓɛ

²² Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Bible

²² Ǹyaŋ, tãi Zîsɛ e mɛ̀ni lai, è mò ma, ǹyɛɛi, “Mɛni tɔnɔ ƃe a lɛ̂ɛ. Íyee-ŋa-sãai kélee kɔ́lɛ, í zɛŋ-kaoi tɛɛ gôlo-ƃelai pɔ, gɛ̀ ní, laai-kɛ-sɛŋ a pâi kɛ̂i íyeêi Ɣâla-taa; í pá, í pîlaŋ ḿbôlu.”

Lukə 18:22 Iomraidhean Croise

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Lukə 18:21

Ɉulɔnui tii ə nwoo pulu pənə yɛ mą: «Ə həɠə nókolo yələ ɓa, ə lɛɛ la ɉu yiihu ɓa, ŋą́ą́ dɔ́nŋąąi tii kəlee pɔ mɛ̨nį kɛ.»

Lukə 18:23

Kɛlaa, nwooɠaa tii mɛ̨n ɉulɔnui tii ə mo, vii ə kpɛɛ, mąąhɔlɔɓo, ə kɛ a hɛn gɔw nąmu kɛnɛ̨.

Lukə 9:23

Yili pulu, Jesus ə mo nu kpului tii kɛ nąą diɛ, yɛ diɛ: «Akɛ nu ta kaa bɔ ə hvilɛn bului, hvo kɛ li mąą nu ə lənə gbɔwɔ ɓa, ə ɉaa wulu həɠə a hvóló kəlee ə hvilɛn búlú.

Filipə 3:13

Nąn nonnii, və́ kɛli káá, ŋą́ą́ dɔ̨nɔ̨ hɔlɔɓo kɛa, kɛlaa, mɛ̨nį tɔ̨nɔ̨ ɓə gáá gɛi, ya ɓaa: yiiɠaai ŋą́ą́ tɛɛ ɉu, ŋį́ lɛ̨ą yili ɓa, yii gaa dɔ́wɔ pələ ŋį́ həli mą.

Piɛrə veelɛ 3:8

Nwɛ́li kɛ mąą nuą, mɛ̨nį tɔ̨nɔ̨ ɓə gaa ɉu, yii mąą hvo nɛ̨ɛ̨li ka hvo lɛ̨ą ma, ya ɓaa: Ną́mu Yálá ɲɛ̨i ɓa, hvóló tɔ̨nɔ̨ kaa a kwɛlan nwaa tɔ̨nɔ̨, kwɛlan nwaa tɔ̨nɔ̨ yɛ ɓo a hvóló tɔ̨nɔ̨.