Lukə 18:16 - Yálá laawoo hɛɓɛ (dc)

¹⁶ Kɛlaa, Jesus ə nɛapɛlɛɛɠaa tii lɛɠɛ mą, yɛ diɛ: «Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuą di kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Yálá laawoo hɛɓɛ

¹⁶ Kɛlaa, Jesus ə nɛapɛlɛɛɠaa tii lɛɠɛ mą, yɛ diɛ: «Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuą di kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Bible

¹⁶ Kɛ́lɛ, Zîsɛ e dítòli dí pa bɔ, ǹyɛɛi, “Ka ǹîa-pɛlɛɛi lɛɛ naa dí pa ḿbɔ, káfe díkpera; kpɛ́ni fêi, ǹúu kɛɛ-ŋai ŋi ƃe Ɣâla ŋɔkâloŋ-laai káa dímɛni ma.

Lukə 18:16 Iomraidhean Croise

Zɛnɛse 21:4

Isaakə hɔlɔɓoɔ, lɔwɔ tɔ̨nɔ̨ tɛɛ pulu, Abrahamə ə ɉee kɛ́nɛ̨ ɓa, yɛ pələi Yálá ə mo la mą.

Kɔlɔnikɔ Veerɛi 20:13

Ɉuda nuą kəlee di kɛ tɔɔni Yai-Laa lííla, diɛ da di yəi bɛlɛ́n nuą, di nɛ̨ąni da di lonnii.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Maafîu 19:14

Jesus ə mo diɛ yɛ diɛ: «'Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuąi di kaa yɛ nɛapəlɛɛ ŋɛ̨i, diɛ ɓə Yálá-taa tɔɔlaa kaa a di pɔɔ.»

Lukə 18:15

Nuą di kɛi pa a lɛapɛlɛɛ Jesus pɔ, əgɛ, ə ɲee túnwɔ̨n diɛ. Galan nɛa di nuą tii kaa lɔ, diɛ haŋą diɛ.

Lukə 18:17

A tɛ̨ą kpɔ-kpɔ gáá moi kaa, nui a wala ɲee hee Yálá-taa tɔɔlaa mu yɛ lokolo, hva pɛli lɔi ɉu.»

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Dutɛrɔnome 29:11

Ka kəlee ka káá ɓɛ, kaa pa ka Yai-Laa ka wɔ Yálái, ka diɛni ka wɔ mįnɛ̨i hu nwun ɉii. Di kaa naa həlii a lolo woo diɛ di kwɛla; mįnɛ̨i ŋɛ̨i Yai-Laa ka wɔ Yálái kaa naai ka diɛni ka lɔwai.

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,