Lukə 17:3 - Yálá laawoo hɛɓɛ (dc)

³ Ka gɛ a nɛlɛɛ, yili hu. «Akɛ, ə́ nąn non a nɛ̨ŋɛ̨n həɠə yɛ́, ka mo ka nu hveelɛi ka lɔwai, akɛ, a dúwɔ́ pələ mąąhvalin, ə́ mąąhvaalɛɛ.

Yálá laawoo hɛɓɛ

³ Ka gɛ a nɛlɛɛ, yili hu. «Akɛ, ə́ nąn non a nɛ̨ŋɛ̨n həɠə yɛ́, ka mo ka nu hveelɛi ka lɔwai, akɛ, a dúwɔ́ pələ mąąhvalin, ə́ mąąhvaalɛɛ.

Bible

³ Ka kámɛi káa; íƃarâŋ-nuu à sɔnyɔ̂ŋ kɛ̀ a yá, ǹia-woo ƃo, à kɛ̀ à ǹíi pène, zu-mɛni lɛɛ mì.

Lukə 17:3 Iomraidhean Croise

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Lɛɛ gbɔwɔ ɓa 34:12

Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

Hanwon 17:10

Mɛ̨nį toɔ kilimąą mun ma, dɔlɔ kaa mą, ə tɛɛ hvaɠa ɲąą nwun dɔ̨nɔ̨ kulaa kilikpɛɛgwəi mun ɉu, ɓa.

Hanwon 27:5

Nu ə haŋą nu ɓa a tɛ̨ą ɲɛ̨i ɓa, viɛlaɓoɔ ɓə, muugbɛ wɛlikɛmąąlaa ɓa.

Hanwon 9:8

'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Maafîu 18:21

Nąąlɔwai, Piɛrə ə lɛɠɛ Jesus ɓa ə mąąni kɛ yɛ mą: «Akɛti, mɛlan a kɛi lɔ nɛ̨ŋɛ̨n ɉəɠə mą́ą́, mąąnɛ̨ɛ̨ ŋą́ mąąhvaalɛɛ geemɛ̨i yɛli? Akɛti ŋą́ mąąhvaalɛɛ gee mɛ̨i mɛ̨ihveelɛ?»

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Zĩi 5:19

Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.