Lukə 17:25 - Yálá laawoo hɛɓɛ (dc)

²⁵ Kɛlaa, gɛɛ yili hvo kɛ, gaa pai mɔ̨nɔ̨ mį́į́ kpɔ kɛnɛ̨, ə lɛɛ, háákələi nuą di lənə mą.

Yálá laawoo hɛɓɛ

²⁵ Kɛlaa, gɛɛ yili hvo kɛ, gaa pai mɔ̨nɔ̨ mį́į́ kpɔ kɛnɛ̨, ə lɛɛ, háákələi nuą di lənə mą.

Bible

²⁵ Kɛ́lɛ, fulɔi fɛ̂ɛ e mɔ̃lɛ mɛni támaa su, ŋ̀éniɛi ŋi su-ƃelai dí dípôlu fé mì.

Lukə 17:25 Iomraidhean Croise

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Markə 10:33

Ə mo diɛ, yɛ diɛ: «Ka ka wəli too, ka gu kaa tɛi Ɉerusalɛmə daai, di kaa pai Nu Lon tɛɛi ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ. Di mąą ɲąba lɔ, ə gɛ di baa. Nuąi di hvo Yálá kɔ́lɔn, di kaa pai dɛɛi di pɔ.

Markə 12:10

Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Markə 9:31

Mąąhɔlɔɓo, ə kɛi nwɔ kalan nɛai kalan, a ɉaa mɛ̨nį, da muhəɠə mɛ̨nį, yɛ kɛ diɛ: «Di kaa pai lɔi Nu Lon gilii, di baa, kɛlaa, hvóló haaɓa tɛɛ pulu, a pənə ə kɛ a vulu.»

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.

Lukə 18:33

Di kaa pai gɛlɛi a hvaɠa, ɛlɛɛ, di baa. Voló haaɓa yələ, a pənə ə nwun.»

Lukə 24:46

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai.

Lukə 9:22

Ə mo nwɔ̨nɔ̨ diɛ yɛ diɛ: «Hvo kɛli, Nu Lon ə pa mɔ̨nɔ̨ mį́į́ kpɔ kɛnɛ̨, nu pɔlɔɠaa, ɉala laa həli nuą kpɛa-kpɛaɠaa da tɔ́n galamɔ̨ɔ̨ɠaa di kaa pai lənəi ma, nuą di baa. Voló haaɓa yələ, a muhəɠə ə kulɔ haa ɓɛlaa lɔwai.»

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Ɉaan 12:38

Ya ɓə ə gɛ, mɛ̨nį ŋɛ̨i Yálá kwəi mɛ̨nį hukulɔ mun Esai ə mo, naa ə hon, yaai ə kɛ la mą: «Ną́mu, nwəlɛɛ ŋɛ̨i ku mo, gbɛɛ ɓə laa na? Gbɛɛ ɓə Ną́mu ə nwɔ yəi kɛnɛ̨ laa lɛ mą?»

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.