Lukə 17:2 - Yálá laawoo hɛɓɛ (dc)

² Vialaɓoɔi di kwɛni kpuwulu kɛnɛ̨ kpulɔn mąą nu kwaną, di bili gboloyá baləi, əgɛ, hvo pa nɛapɛlɛɛ ŋɛ̨i dɔ̨nɔ̨ kpɛli lan.

Yálá laawoo hɛɓɛ

² Vialaɓoɔi di kwɛni kpuwulu kɛnɛ̨ kpulɔn mąą nu kwaną, di bili gboloyá baləi, əgɛ, hvo pa nɛapɛlɛɛ ŋɛ̨i dɔ̨nɔ̨ kpɛli lan.

Bible

² Maa eêi pɔ̂ri kɛ̂i a nɛ̃ɛ à kɛ̀ kɔni kɛ́tɛ eêi kɛ̀ sɛlɛnii gɔŋ ma dí bili yuo su, é tɛ́ɛ la máŋ a gɛɛ e nîa-pɛlɛɛi ŋi dɔnɔ kɛ́ e karêŋ.

Lukə 17:2 Iomraidhean Croise

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 17:27

Kɛlaa, gu wɛi, gu hvo bɔ gu hvo nuą lii hu kala. Yili ɓa, ɉɔwɔlee kwɛli həɠə, ə́ li bówa hu, ə́ kwɛli pili; Ɉɔwɔlee tɔlɔɔ tii ə́ kaa pai gulɔi, na kaa, wali kaa na, yii a pɛli gu nu hveelɛ guɔ nįįhɔ̨nwɔ̨ ɓa, ɉəɠə ə́ pa, ə́ guɔ nįįhɔ̨nwɔ̨i kulɔ la.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 18:14

Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Markə 9:42

«Nɛapɛlɛɛ ŋɛ̨i daa laa ná, nui lɔpee a gɛ da a həɠə bələ mɛ̨i, viɛlaɓoɔi di kwɛni kpuwulu kɛnɛ̨ kpulɔn gwaną di bili gboloyá baləi.

Ɉaan 21:15

Di kpɛɛ kɛa a di kɔ̨nɔ̨n mį́ɛ, Jesus yɛ mą Simɔn Piɛrə ɓa: «Simɔn Ɉaan lon, nwɛ́li kaa yɛ́ ə tɛɛ ə́ ɓɛlaa diɛ?» Ə nwoo pulu pənə yɛ mą: «Ną́mu, ə́ gɔlɔn yɛ́ ə́ wɛli kaa mą́ą́.» Jesus yɛ mą: «Nwɔ́ ɓɛlaa lonnii laahɔnmo.»

Korɛntə dɔlɔɔ 9:15

Kɛlaa nwɛ́i, bələi mąn mąą laa ə kɛ la ɲə́i, və́ yili ta kɛ li, və́ nwɔ̨nɔ̨ ɉɛɓɛ́i ŋɛ̨i pɛ̨ɛ̨i, gɛ́ di huhvɛli la káá. Ŋą́ mą haa! Nu ta hva pɛli dɔ́ɔ́i ti həɠəi!

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.