Lukə 17:14 - Yálá laawoo hɛɓɛ (dc)

¹⁴ Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Yálá laawoo hɛɓɛ

¹⁴ Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Bible

¹⁴ Gɛɛ a díkâai, e mò dîa, ǹyɛɛi, “Ka lí, ka kákpîŋ lɛ zâla láa soŋ-ƃelai dîa.” Nya ƃe e kɛ̀ ti, díkɛɛ liî, dí ƃalo.

Lukə 17:14 Iomraidhean Croise

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Lukə 5:14

Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Ɉaan 11:10

Kɛlaa, nu a kɛi hiɛ kpinįi, a gɔwɔ tuwɔ, mąąhɔlɔɓo, kɛɛ pono hvo ɲəi.»

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.