Lukə 16:23 - Yálá laawoo hɛɓɛ (dc)

²³ Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Yálá laawoo hɛɓɛ

²³ Ɉɛn gɔw nąmui tii, ə yɛɛ ŋąmuą taa, yɛ mɔ̨nɔ̨ mį́į́ kpɔ laa a mɔlɔɔ. Ə nwun muhəɠə, ə Abrahamə kaa Lazarə yɛ ɓo gwɛlɛ.

Bible

²³ gɛɛ Dɛ̂ƃele-taai gɛ ƃo mɛni-kpɔ̂lu sui, e ŋɛi tɛ̀ ɣelei e Eberaɣɛ̃ɛ káa kwaa kôya ma, Lâzara kɛ́ ƃo gɔ̃ɔŋ su.

Lukə 16:23 Iomraidhean Croise

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Mąątɛ̨nɛ̨ 49:15

Di puɔi di kee mɛ̨i ɲąmuątaa yɛ ɓɛlaaɠaa, haa ɓə a pələ kulɔ a diɛ, yɛ bələi taatɛlɛɛ mɛ̨i kaamun a gɛ la a nwɔ taatɛlɛɛɠaai. Yələ a kɛ gaa ɓɔi, kwəikwələ nuą diɛ hee di mɛ̨i, di mąąnįnįn gbɛɛi ɓaa ɲąmuątaa; di mąąkwɛa di wɔ tɔɔ pɛlɛ́ɠaai diɛ.

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Hanwon 15:24

Mɛ̨nį hukpɛ kili a nu tɛ yələi, yɛ ɲąmuątaa pələ kulɔ nu yəi.

Hanwon 5:5

Gɔwɔɠaa ɲɛ̨i haŋąąi haa pɔ pələ, ŋamuą taa hiɛ ɓə da gulɔ.

Hanwon 7:27

Ɲəi bɛlɛ́ laaləi kaa a kámą la pələ, nąą bələ ɓə haa nuą da tɛɛ la, diɛ li ŋąmuątaa.

Hanwon 9:18

Gili hvo ɉu, yɛ kɛ kɛɛnąą kpinɛ̨ɛ̨ ka tii, nui tii gili hvo ɉu, yɛ kɛ, nuąi nɛ̨ɛ̨nui tii aa di təli, daa li ɲąmuątaa.

Azaya 14:15

Gɛ pələ kaa ləi yai, yáá yɛɛ lɔi mu pələ, yáá yɛɛ kpɔ ɲɔ̨muątaa kpon ɉu.

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Maafîu 18:9

Akɛ ə́ ɲɛ̨ikɔw tɔ̨nɔ̨ a kɛi kɛ əí lan, əí too nɛ̨ŋɛ̨n ɉu, gulɔ yɛ́ ə́ bili kwɛala. Mąąhɔlɔɓo, viɛlaɓoɔi, ə́ ɲɛ̨ikɔw ə lɛɛ yɛ́ tɔ̨nɔ̨ ə́ li Yálá pɔɔli liilaa hu, ə tɛɛ ə́ nąą kəlee ɲą́ą́pɛliɛ ɓa diɛ bili ɉahanama nwɔ̨n ɉu.»

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Maafîu 5:29

Yili ɓa tii, akɛ ə́ ɓa-mįi-yee ɲɛ̨ikɔw a kɛi kɛ, ə́ ə́ too nɛ̨ŋɛ̨n ɉu; gulɔ yɛ́ ə́ bili kwɛaala. Mąąhɔlɔɓo, viɛlaɓoɔi ə́ ɲɛ̨ikɔw ə lɛɛ yɛ́ tɔ̨nɔ̨, ə́ li Yálá pɔɔli liilaa hu, ə tɛɛ ə́ nąą kəlee ɲąąpɛliɛ ɓa, diɛ ə́ pili nwɔ̨n ɉu.

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Lukə 16:24

Nąąlɔwai tii, ə nwoo tɛ kpɔ hɔ̨́ɔ́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Korɛntə dɔlɔɔ 15:55

«Haa! Ə́ wɔ yeetɛɛmąąlaa kaa kɛa mį? Haa! Ə́ təli kaa mi?»

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.