Lukə 16:2 - Yálá laawoo hɛɓɛ (dc)

² Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Yálá laawoo hɛɓɛ

² Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Bible

² Nya ƃe e dòli e mò ma, ǹyɛɛi, ‘Le-mɛni ƃe ŋi ŋá mɛ̀ni e pîlaŋ yâi? Pá a zãâ láa-siɣe-kɔlɔi. Kpɛ́ni fêi, ífe pâi kɛ̂i ŋɔ́nɔ a ńyee-mu-nuu kɛ́tɛ.’

Lukə 16:2 Iomraidhean Croise

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Maafîu 12:36

Gáá moi kaa, Yálá nwɔ kiti teei lɔwai, nwoo kpɛli-kpɛliɠaai nuą da mo, di hvulú kɔ́wɔ ŋą, da dɛ ɲɛ̨i ɓa kɛ Yálá lííla.

Maafîu 20:8

«Hvóló toɔ kɛa, góló nąmu ə mo nui kɛ góló nwun na ma, yɛ mą: ‹'Nuą muhəɠə kɛa, ə́ lɛɛ, ə́ nu kəlee hala tɛɛ bɔ, kɛlaa, gɔɠɔ tɔɔ nɛɛ pulu nuą diɛ.›

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 16:1

Jesus ə mo nwɔ kalan nɛai diɛ, yɛ diɛ: «Hɛn gɔw nąmu kɛnɛ̨ ta ə kɛ laa, ə nu ta həɠə, yɛ ɲɛ̨i kɛ nwɔ hɛn gɔwi ɓa. Hvóló ta, di pa diɛ mą: ‹Ə́ wɔ hɛn gɔw laaikɛ mun kaa ɉɛn gɔw hu kalai.›

Lukə 16:3

Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį.

Lomaŋ 14:12

Yili ɓa, nu kəlee a tinąą di kwɛlanmo Yálá ɓa.

Korɛntə dɔlɔɔ 1:11

Mąąhɔlɔɓo, ną́n nonnii, Kloe yəi bɛlɛ́n nuą di mo mąą diɛ: Woo taɠa kaa ka lɔwai.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 5:24

Nɛŋɛ̨n daɠaa kaa laa, nu a ɉəɠə, da gaa ɉa; kɛlaa, daɠaa diɛn, nu hva gaa ɉa, hvo kɛli ɉu a kwɛa.

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Piɛrə dɔlɔɔ 4:5

Kɛlaa, di kaa pai di kwɛlanmoi nui ɉɛ̨ą yiliɛ nu hvulúmąąɠaa da haa nuą di kiti tee mɛ̨nį ɓa.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.