Lukə 13:27 - Yálá laawoo hɛɓɛ (dc)

²⁷ A pənə ə mo kaa nwɔ̨nɔ̨ a nįnɛ̨, yɛ kɛ kaa: ‹Ɓɛi ka həɠə laa, və́ nąą kɔ́lɔn, ka ka mąą kwɛa mą́ą́, ka mɛ̨nį ɲɔ̨n gɛ nuą ŋɛ̨i.›

Yálá laawoo hɛɓɛ

²⁷ A pənə ə mo kaa nwɔ̨nɔ̨ a nįnɛ̨, yɛ kɛ kaa: ‹Ɓɛi ka həɠə laa, və́ nąą kɔ́lɔn, ka ka mąą kwɛa mą́ą́, ka mɛ̨nį ɲɔ̨n gɛ nuą ŋɛ̨i.›

Bible

²⁷ Kɛ́lɛ, a pâi m̀ôi, ǹyɛɛi, ‘Ŋá m̀ó kâa, fé ƃɛi kɔ́lɔŋ ka kulâi naai; ka kasu-kula mâ, káai kélee a sɔnyɔ̂ŋ-kɛ-ƃelai!’

Lukə 13:27 Iomraidhean Croise

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 101:8

Yələ wala pɔ tɛi tɛi, nuąi da mɛ̨nį ɲɔ̨n gɛ nɔi hu, gáá pai di laa kpului, gɛ́ mɛ̨nį ɲɔ̨n gɛ nuą kəlee kulɔ Yai-Laa nwɔ taai kwəi.

Mąątɛ̨nɛ̨ 119:115

Kaai a mɛ̨nį ɲɔ̨n gɛ nuą, 'ka mą́ą́ laa, gɛ́ nwɔ́ Yálái nwɔ tíɓoɠaa kɛ.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 28:3

Hvó ɉón yɛ bələi yá liiɲɔ̨n gwəi nuą hon nai, ə mą kɛ, túwɔ́ pələ ɲɔ̨n gulɔ nuą, da kɛ liilaa mɛ̨nį ɓoi di ɓɛlaa diɛ, Kɛlaa, di lii laa hvɛɛ a mɛ̨nį ɲɔ̨n gɛ kili.

Mąątɛ̨nɛ̨ 5:6

Ɲąŋąɲąŋąmun va tɔɔ ə́ ɲɛ̨́i mu, Yá yowolaa kulɔ a mɛ̨nį ɲɔ̨n gɛ nuą kəlee.

Mąątɛ̨nɛ̨ 6:8

Ɲɛ̨́ikɔw aa mɔ̨n nwún ɉu, a wɔlɔ, mɔ̨nɔ̨ ɓonuą kəlee kaa tɛɠɛɓoi ɉú.

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Maafîu 25:12

Kɛlaa, di ɓɛlan ɉilɛ hvo gɛ hvo bɛlɛ́ laa ɓo. Yɛ diɛ gáá moi kaa a tɛ̨ą, və́ ka kɔ́lɔn.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»