Lukə 13:15 - Yálá laawoo hɛɓɛ (dc)

¹⁵ Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Yálá laawoo hɛɓɛ

¹⁵ Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Bible

¹⁵ Gɛ́ɛ tíi, Kúnuu-namui e zu tòo, ǹyɛɛi, “Kákiri-ƃelai! Kákelee káfe kániŋa-sîrɛ kpaa káwɛlɛ-sôoi fuloŋ ŋìri-wurii ma a Vii-tɔɔ-ɣelei, ká lí la yá la gbele-mɛni ma?

Lukə 13:15 Iomraidhean Croise

Zôo 34:30

Hvo bɔ nɛ̨ŋɛ̨n ɉəɠə mun və tɔɔlaa kɛ. Hvo bɔ di hvo hɛlɛn dɛ nwɔ nuąi tɔwɔ.

Hanwon 11:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Maafîu 15:7

Ka tɛ ɲɛ̨i mɛ̨nį kɛ nuąi ŋɛ̨i, kaa kpɔ ɓə Yálá ə kɛi ka mąą mɛ̨nį gwəi mɛ̨nį hukulɔ mun Esai laaləi yɛ kɛ mą:

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:28

Pələ kpɔlɔ ɓə ka káá la. Ka ka kpɔɔ lɛ nuą diɛ, a nu haŋąąɠaa a mɛ̨nį gɛ, tɛ ɲɛ̨i mɛ̨nį kɛ laa da mɛ̨nį ɲɔ̨n giliŋąhiɛ lɔ ɓə gaa kaa.»

Maafîu 7:5

Lɛɛmun! Gbɛa ni ə́ wɔ wulukpiɛn kulɔ ə́ ɲɛ̨i. Yili pulu, yá pɛli kɛa ə́ ɓɛlan nwɔ kalai mąą kpɛɛi ə́ gulɔ a nɛlɛɛ.

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Lukə 14:5

Yili pulu, ə tínɛ̨n yɛ diɛ: «Akɛ hoohvaalən a kɛ ka ta yəi, a wala kɛ tii nįŋɛ̨, a too ɲəi yálɔwa hu a vįitɔɔ yələ, hva nɛ̨ɛ̨mą hvo gulɔ, ə mą kɛ, hvįitɔɔ yələ li?»

Lukə 6:42

A wala kɛ tii, ya pɛli ə́ kɛ ləi nu ɓa: ‹Mə́lan, tɔɔ galai gaa ə́ ɲɛ̨i, ŋį́ gulɔ laa›; akɛ yɛ́ mun, nwulu gbiɛi gaa ə́ ɲɛ̨i, hva gaa? Ə́ woo hveelɛ mun ŋɛ̨i, gbɛa nii nwulu gbiɛi gaa ə́ ɲɛ̨i gulɔ; yili pulu, ya pɛli ə́ ə́ ɓɛlan nwɔ kalai kaa a nɛlɛɛ, ə́ gulɔ.»

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Lukə 7:19

ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»