Lukə 13:11 - Yálá laawoo hɛɓɛ (dc)

¹¹ Nɛ̨ɛ̨nu ta ə kɛ laa, ɲɔ̨n yɛ ɓo mą. Ɲɔn tii, aa kɛ kwɛlan bow kɔ́w mɛ̨ihaaɓa kɛ mą. Ɲįnɛ̨n da ka tii kɛ bulu, aa bumun dɛ; hva pɛli kɛ haŋąi.

Yálá laawoo hɛɓɛ

¹¹ Nɛ̨ɛ̨nu ta ə kɛ laa, ɲɔ̨n yɛ ɓo mą. Ɲɔn tii, aa kɛ kwɛlan bow kɔ́w mɛ̨ihaaɓa kɛ mą. Ɲįnɛ̨n da ka tii kɛ bulu, aa bumun dɛ; hva pɛli kɛ haŋąi.

Bible

¹¹ Nɛnî tɔnɔ ƃe kɛ̀ naa nyînaŋ nyɔ́mɔɔ e kɛ̀ bôlu nyii gɛ̀ é kɔ́lɛ a kóraŋ puu kao lɔ́ɔlu mɛi saaƃai. Kpîri-kpaŋ e kɛ̀ mà, va pɔ̂ri kɛ̀ gbîŋ su sã́âi.

Lukə 13:11 Iomraidhean Croise

Zôo 2:7

Ɲąąɓa ɓilihi ə həɠə Yai-Laa lííla. Ə li, ə tiha ɲɔ̨n ɲɛɛ a Ɉobə, ə həɠə nwuɔ̨ ə kulɔ la, gɔwɔɲą.

Mąątɛ̨nɛ̨ 145:14

Nuąi diɛ di too, Yai-Laa a ɲee pu di mu, yiiɠaai daa too, a di haŋąn ə di tɔɔ.

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Mąątɛ̨nɛ̨ 38:6

Nwɔ́ ɓowo mɛ̨nį aa gɛ, gɛ́lɛ palaɠaa mu aa tɔɔ, gun yɛ tɛ.

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 6:2

Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Markə 9:21

Jesus ə nokoloi tii nąn mąąni kɛ yɛ, mą: «Kwɛlan ɲɛli ɓə ɲɔ̨n ŋɛ̨i aa gɛ mą?» Nokoloi nąn ə nwoo pulu pənə, yɛ mą: «Ə gɔwɔ tɔɔ mą kpɔɔ a nokolo yələ.

Lukə 13:12

Gaai Jesus ə mo, ə də li, yɛ mą: «Nɛ̨ɛ̨nu! Ə wɔ ɲɔ̨n aa kpɛɛ ə́ kɔ́lɔi ə pono.»

Lukə 13:16

Nɛ̨ɛ̨nui ŋɛ̨i, gaa a Abrahamə huwu ta, yai ɓilihi aa ɲɔ̨n bɛlɛ mą, aa kɛ a kwɛlan bow kɔ́w mɛ̨ihaaɓa; a kɛ tii, mąą hvo nɛ̨ɛ̨li mɔ̨ɔ̨ ŋą gɔlɔi pono a vįitɔɔ yələ?»

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Lukə 8:2

Ə mą kɛ, da nɛ̨ą taɠaa, yii ə ɲį́nɛ̨n gbɛ daɠaa pulu, ə mą kɛ, ə daɠaa kɔ́lɔi pono. Yɛ bələi Mari Magdala mun gaa la, yai Jesus ə ɲį́nɛ̨n mɛ̨ihveelɛ kpɛ bulu.

Lukə 8:27

Jesus kɛɛ kulɔi gələn ɉu, yɛ hvilɛn nɔi ɓa; daai tii hu hulɔnu ta, ə kpuluun yɛ pa Jesus pɔ. Ɉulɔnui tii, ɲį́nɛ̨n ɲɔ̨nwɔ̨ɔ̨ tamąą di kɛ bulu. Ə kɛ a kwɛlan damąą ɉulɔnui tii hvo kɛi həɠə too gwąną, hvo kpɛli kɛi yii pɛlɛ́n, ə kɛi yii kámą woloɠaa hu.

Lukə 8:43

Nɛ̨ɛ̨nu ta ə kɛ nu kpului tii lɔwai, ya hulɔ ɲɔ̨n yɛ ɓo mą, aa kwɛlan bow-kɔw-hveelɛ kɛ mą, yɛ mɔ̨nɔ̨ mį́į́ kpɔ la kɛnɛ̨. Nɛ̨ɛ̨nui tii, aa kɛ ɲəi hɛn gɔwɠaa kəlee kwɛlɛ, ɲɔ̨n ɉalə kɛ nuą diɛ, kɛlaa, da lɔpee hvo gɔlɔi pono.

Gɛlaɠaa 3:2

Yálá hee pɛlɛ́ naaləi yii kɛi kɛ mą: Bɛlɛ́ laaləi lɛlɛɛ, hulɔnu ta ə kɛ laa heeni, di gaa lɔ gbɛlɛɠɛlɛnŋąą. Hvóló kəlee, di kɛi gbəŋə diɛ pa diɛ ɉee laa, ə gɛ, nuą daa kɛi lɔ Yálá hee pɛlɛ́ mu, yɛ wali hvɛli diɛ.

Gɛlaɠaa 4:22

Nui ti di malo a kpalo mɛ̨nį, gaa kwɛlan dɛɛi kɛ pow nąąn ɉu.