Lukə 12:17 - Yálá laawoo hɛɓɛ (dc)

¹⁷ Ɉulɔnui tii ə mo gwəi pələ, yɛ mą: ‹Lə kpɔ ɓə mąąnɛ̨ɛ̨ ŋą gɛ? Mąąhɔlɔɓo, kɛɛnąą ta hvo kɛa ɲə́i, ɓɛi mąąnɛ̨ɛ̨ ŋą nwɔ́ mɔnunŋąą ŋɛ̨i laa laa.›

Yálá laawoo hɛɓɛ

¹⁷ Ɉulɔnui tii ə mo gwəi pələ, yɛ mą: ‹Lə kpɔ ɓə mąąnɛ̨ɛ̨ ŋą gɛ? Mąąhɔlɔɓo, kɛɛnąą ta hvo kɛa ɲə́i, ɓɛi mąąnɛ̨ɛ̨ ŋą nwɔ́ mɔnunŋąą ŋɛ̨i laa laa.›

Bible

¹⁷ Nya ƃe e gíli ŋá sia goi-pere, ǹyɛɛi, ‘Le ƃe ŋa pâi gɛ̂i? Kpɛ́ni fêi, kêre fé ńyêei ƃɛi ŋa pɔ̂ri ŋámii-sãai pûi naai.’

Lukə 12:17 Iomraidhean Croise

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Maafîu 16:7

Galan nɛa kwəi ə pili diɛ, diɛ kɛ di kee ɓa: «Akɛti, nɛɠɛi tii gu hvo ɉəɠə li mąą mɛ̨nį ɓə gɛi yɛ mo la tii?»

Maafîu 5:42

Nui a ə́ hvɛli, gɔ́. Nu a kɛ yɛ́: ɉíŋɛ̨n a hɛn da, hvo lənə mą.»

Lukə 10:25

Tɔ́n galamɔ̨ɔ̨ ta ə muhəɠə, əgɛ, ə Jesus hon vaa woo hu, ə mąąni kɛ yɛ mą: «Kalamɔ̨ɔ̨! Lə ɓə ŋą pɛli gɛi, ŋą yɛnɛ̨ɛ̨ hva kpɛɛi hɔlɔɓo Yálá-taa?»

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 12:16

Yili pulu, Jesus ə hanwon da kpɛli hɔɔ diɛ; yɛ diɛ: «Hulɔnu ta ə kɛ laa, hɛn gɔw kɛnɛ̨ yɛ ɓo ɲəi. Nwɔ tíiɠaai di lɛlɛ kpɔ a mɔlɔɔ.

Lukə 12:18

Yili pulu, ə mo gbɔwɔ ɓa, yɛ mą: ‹Yii gáá pai gɛi ya ka: gáá nwɔ́ mɔ̨nun gələ pɔlɔɠaa pui, ŋą nįnɛ̨ɠaa tɔɔ a gbɛa-kpɛa. Ŋą́ nwɔ́ mɔnunŋąa kəlee lɔ ɉu, da ɲə́i hɛn gəlee.

Lukə 12:22

Jesus ə mo nwɔ kalan nɛai diɛ, yɛ diɛ: «Yili ɓə gɛ, gɛ́ kɛ kaai: Ka hvo ka liihɛlɛn ka wɔ yɛnɛ̨ɛ̨ mąą mɛ̨nį ɓa, yɛ hvilɛ na yii ka pai mį́i mą, awala kɛ tii, ka kɔ́lɔ mąą mɛ̨nį ɓa; yii ka káá pai mąą yilii la.

Lukə 12:29

Ka hvo ka liihɛlɛn a ka kɔ̨nɔ̨n mɛ̨nį da ka kpələyá mɛ̨nį.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 16:3

Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį.

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Lukə 19:17

«Tɔɔmun yɛ mą: ‹Yaa gɛ a nɛlɛɛ, koló kɛmun nɛlɛɛ ɓaa yɛ yii yaa tələnmolaa kɛ mɛ̨nį logolo hu, gáá pa ə́ heei taa pow nwun na.›

Lukə 3:11

Ə di woo pulu pənə yɛ diɛ: «Nui həɠə hveelɛ kaa ɲei, ə dɔ̨nɔ̨ tɛɛ nui da hvo ɲei bɔ; nui kɔ̨nɔ̨n gaa ɲei, ə mɛlaa kɔ́.»

Gɛlaɠaa 16:30

Yili pulu, ə di kulɔ, yɛ diɛ: «Ną́nni! Lə ɓə mąąnɛ̨ɛ̨ ŋą́ gɛ, gɛ́ pɛli ɓaloi?»

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.