Lukə 1:74 - Yálá laawoo hɛɓɛ (dc)

⁷⁴ a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.

Yálá laawoo hɛɓɛ

⁷⁴ a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.

Bible

⁷⁴ a dɛɛ kúpɔ a gɛɛ kúai kúkulâi kúkpɔara-ƃelai yée ŋái, ku Ɣâla ŋɔtíi kɛ́, yao fé kɛ̀ kûa,

Lukə 1:74 Iomraidhean Croise

Tɔɔɓɛlaa veelɛ 17:39

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Yaa tɔ̨nɔ̨ gbən mə a pɛli ka kulɔi ka ɲowoɠaa kəlee yəi.»

Mąątɛ̨nɛ̨ 119:134

Nuąi daa hee mɛ̨́i, 'gúlɔ di yəi, əgɛ, ŋą́ ə́ wɔ tɔn nwooɠaai pɔ yíi pɔ.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Lukə 1:71

Yálá ə wɔlɔ mįnɛ̨ həɠə, yɛ a ku kulɔ ku yowoɠaa da ku wɛli kpɛɛ mąą nuą yee mu.

Lukə 1:73

Yálá ə gwɛla yɛ ku kalaɓɔlɔ Abrahamə ɓa:

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Hebreu 2:15

Ɛlɛɛ, nuąi tii di wɔɔ yɛnɛ̨ɛ̨ kəlee yee mu, di kɛi ɲɔw haa ɓa, diɛ ɓo la tii ɲee mu a luwɔɠaa, ə di nwun mąąɓo.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.