Lukə 1:52 - Yálá laawoo hɛɓɛ (dc)

⁵² Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Yálá laawoo hɛɓɛ

⁵² Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Bible

⁵² a gɔmɛnɛ-ŋa kúla díkâloŋ-see-sɛŋ-ŋai ŋá, a núu doo-mu-ŋai kɛ́ a díkɛtɛ,

Lukə 1:52 Iomraidhean Croise

Ikilisiati 4:14

Mąąhɔlɔɓo, ɉulɔnon tii a pɛli kulɔi gaho pɛlɛ́ mu ə kɛ a tɔɔmun, a wala kɛ tii, ə kɛ a yeehvowolomun nwɔ tɔɔlaai gaa pai gɛi ɉu.

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Samuɛlə dɔlɔɔ 2:4

Kɔ́kulááɠaa di wɔ kilɛn hu a yali, Kɛlaa nuąi kɛi pa tooi, daa di hąą yili a huwalawalalaa.